Loni Kalbhor : लोणी काळभोर : रक्षाबंधनाच्या निमित्ताने बहिण भावाकडे जाऊन, त्याला राखी बांधते आणि आपले रक्षण करण्यासाठी साकडे घालते. मात्र, कायदा व सुव्यवस्था राखण्याची जबाबदारी असलेल्या पोलीस बांधवांना यादिवशी देखील आपल्या बहिणीला वेळ देता येत नाही. यासाठी रक्षाबंधन सणाचे औचित्य साधून लोणी काळभोर (ता. हवेली) येथील एंजल हायस्कूल व ज्युनिअर कॉलेज या इंग्रजी माध्यमाच्या शाळेतील विद्यार्थिनींनी पोलीस बांधवांना राखी बांधून, अनोख्या पद्धतीने रक्षाबंधनाचा सण साजरा केला. या उपक्रमाचे सर्व स्तरातून कौतुक होत आहे.
उपक्रमाचे सर्व स्तरातून कौतुक
विद्यार्थिनींनी प्रसिद्ध तीर्थक्षेत्र रामचंद्र प्रभूच्या पदस्पर्शाने पावन झालेल्या रामदरा येथील विविध वॄक्षांना राखी बांधण्यात आली. (Loni Kalbhor) संस्थेचे सचिव सचिन अग्निहोत्री, संस्थेच्या संचालिका इराणी, संस्थेचे संचालक अविनाश शेलूकर, प्राचार्या शमशाद कोतवाल यांच्याकडून विद्यार्थ्यांना प्रेरणा मिळाली.
दरम्यान, एंजल हायस्कूल व ज्युनिअर कॉलेजमध्ये बालवाडी ते इयत्ता बारावीपर्यंतचे विद्यार्थी शिक्षण घेत आहेत. शाळेतील विद्यार्थ्यांना अभ्यासाचे धडे देण्याबरोबरच समाजात मानाने जगण्यासाठी योग्य नागरिक तयार होण्यासाठी मोलाचे मार्गदर्शन केले जाते. (Loni Kalbhor) तसेच भविष्यात उच्च पदावर कार्यरत असताना समाजातील तळागाळातील लोकांची सेवा करण्यासाठी मार्गदर्शन केले जाते.
अधिक बातम्या वाचण्यासाठी येथे क्लिक करा :
