Loni Kalbhor : लोणी काळभोर, (पुणे) : हडपसर, लोणी काळभोर पुण्यासह महाराष्ट्रातील वेगवेगळ्या जिल्ह्यात घरफोड्या व दरोडा टाकणाऱ्या एका अट्टल गुन्हेगाराला गुन्हे शाखा युनिट ६ च्या पोलिसांनी जेरबंद केले आहे.
गुन्हे शाखा युनिट – ६ ची कामगिरी..
सोनू ऊर्फ संजिव कपूरसिंग टाक वय २८ वर्षे रा. स.नं. १४ शाळा नंबर १०० मागे, तुळजा भवानी वसाहत, गाडीतळ हडपसर पुणे) असे ताब्यात घेण्यात आलेल्या अट्टल गुन्हेगाराचे नाव आहे. (Loni Kalbhor) त्याच्याकडून पोलिसांनी २ लाख ६३ हजार ५०० रुपयांचा मुद्देमाल जप्त केला आहे.
पोलिसांनी दिलेल्या माहितीनुसार, लोणी काळभोर पोलीस ठाण्याच्या हद्दीत गुन्हे शाखेचे पोलीस गस्त घालीत असताना पोलीस नाईक नितीन मुंढे यांना एका खबऱ्याकडून माहिती मिळाली कि, लोणी काळभोर पोलीस ठाण्याच्या हद्दीतील घरफोड्या या रेकॉर्डवरिल गुन्हेगार सोनू ऊर्फ संजिव टाक याने केलेल्या असून तो मांजरी बुद्रूक स्मशानभुमीजवळ मांजरी येथे येणार आहे.
मिळालेली माहिती वरिष्ठांना कळवून त्यांनी दिलेल्या आदेशानुसार, युनिट कडील अधिकारी व अंमलदार यांनी सापळा रचून सोनू ऊर्फ संजिव कपूरसिंग टाक याला मंगळवारी (ता. २६) ताब्यात घेतले. त्याच्याकडे चौकशी केली असता सदरचा गुन्हा हा त्याचे साथीदारांसह केल्याची कबुली दिली. (Loni Kalbhor) त्याच्याकडे अधिक चौकशी केली असता सदरचा गुन्हा त्याचा साथीदार पंकजसिंग दुधानी रा. अंबरनाथ याचेसह केला असल्याचे सांगितले.
चोरीचा मुद्देमाल काढून देत असले बाबत निवेदन केल्याने त्याचे निवेदनाप्रमाणे आरोपीने सोन्या, चांदीचे दागिनेंची तसेच रोख रक्कमेची घरफोडी चोरी केल्याची ठिकाणे दाखवून सोन्या चांदीचे दागिने असा एकुण २ लाख ६३ हजार ५०० रुपयांचा मुद्देमाल पंचनाम्यासह जप्त करण्यात आला आहे.
दरम्यान, आरोपीने १) विमानतळ पोलीस ठाण्याच्या हद्दीत २ येरवडा – १, हडपसर – २, लोणीकंद – १, लोणी काळभोर – ३ अशा पोलीस ठाण्याच्या हद्दीत चोई व घरफोडी केल्याची कबुली दिली आहे.(Loni Kalbhor) तसेच त्याने महाराष्ट्रातील कराड, रोहा, सावर्डे, मानवत, शेवगाव, माणगाव, पाली, महाड, रायसोनी, सावर्डे, अंबरनाथ पोलीस ठाण्यांच्या हद्दीत चोरी कबुली पोलिसांना दिली आहे.
सदरची कामगिरी गुन्हे शाखा युनिट ६ चे वरिष्ठ पोलीस निरीक्षक, रजनीश निर्मल, पोलीस उपनिरीक्षक भैरवनाथ शेळके, सुरेश जायभाय, अंमलदार मच्छिंद्र वाळके, विठ्ठल खेडकर, नितीन मुंडे, रमेश मेमाणे, बाळासाहेब सकटे, प्रतिक लाहीगुडे, प्रमोद मोहिते, कानिफनाथ कारखेले, ऋषिकेश व्यवहारे, ऋषीकेश ताकवणे, सचिन पवार, ऋषीकेश टिळेकर, शेखर काटे, नितीन धाडगे, आशफाक मुलाणी, ज्योती काळे व सुहास तांबेकर यांनी केली आहे.
