Lonavala News : लोणावळा, (पुणे) : लोणावळा परिसरात फिरायला आलेल्या महाविद्यालयीन विद्यार्थ्यांची दुचाकी टायगर पॉइंट येथील महामार्गाच्या दुभाजकाला धडकून झालेल्या अपघातात एकाचा जागीच मृत्यू झाला आहे. तर दोघेजण गंभीर जखमी झाले आहेत. शुक्रवारी (ता. ०३) पहाटे पाच वाजण्याच्या सुमारास टायगर पॉइंट रोडवरील एअर फोर्सजवळील तीव्र उतारावरील वळणावर हि घटना घडली आहे. (Accident of friends who came to ride a triple seat on a two-wheeler in Lonavala; One dead, two injured, incident at Tiger Point..)
मोहन ज्ञानेश्वर मोरे (वय २२, रा. बंडगार्डन, पुणे, मूळ पिंपळगाव सय्यदमियाँ, जि. परभणी) असे अपघातात मृत्यू झालेल्या तरुणाचे नाव आहे(Lonavala News) . श्रीराम संजय मोरे (वय १९, रा. बंडगार्डन, पुणे, मूळ पिंपळगाव सय्यदमियाँ, जि. परभणी), रितेश सोमनाथ नलावडे (वय २१, रा. पुणे, मूळ टेंभुर्णी, जि. सोलापूर) जखमी झाले. याप्रकरणी जखमी श्रीराम संजय मोरे यांनी लोणावळा शहर पोलीस ठाण्यात फिर्याद दिली आहे.
पोलिसांनी दिलेल्या माहितीनुसार, मोहन, श्रीराम व रितेश हे तिघेजण मित्र असून तिघेही पुण्यातील एका महाविद्यालत शिकत होते. (Lonavala News) गुरुवारी रात्री दुचाकीवरून मध्यरात्री दोनच्या सुमारास पुण्याहून कार्ला येथील आई एकवीरा देवीच्या दर्शनासाठी आले होते. मंदिर बंद असल्याने ते तेथून टायगर पॉइंट येथे फिरायला आले.
दुभाजकाला धडकून झाला अपघात
टायगर पॉइंट परिसरात फिरल्यानंतर पहाटे पाचच्या सुमारास ते पुन्हा एकवीरा देवीच्या दर्शनासाठी निघाले. (Lonavala News) त्या वेळी टायगर पॉइंट ते आयएनएस शिवाजी दरम्यान असलेल्या एअरफोर्स स्टेशन येथील एका वळणावर तीव्र उतारावर नियंत्रण सुटल्याने त्यांची दुचाकी लोखंडी दुभाजकावर जोरात आदळली.
दरम्यान, जखमींनी प्रसंगावधान राखून रस्त्याने जाणाऱ्या एका कारला थांबवून मदत मागितली. (Lonavala News) कारचालकाने तिन्ही तरुणांना लोणावळ्यातील एका खासगी रुग्णालयात दाखल केले. डॉक्टरांनी तपासणी करून मोहन मोरे यांचा मृत्यू झाल्याचे सांगितले. लोणावळा शहर पोलिस या प्रकरणी पुढील तपास करीत आहेत.
अधिक बातम्या वाचण्यासाठी येथे क्लिक करा :
Lonavala News : खंडाळ्याच्या मंकीहिल पॉईंट येथील २०० फुट खोल दरीत पडूनही वाचला तरुणाचा जीव…
