लोणी काळभोर, (पुणे) : पुणे – सोलापूर महामार्गाच्या बाजूला असलेल्या लोणी काळभोर (ता. हवेली) ग्रामपंचायत हद्दीतील कुशल वाटिका या इमारतीवर वीज कोसळल्याची घटना घडली आहे, अशी माहिती त्या ठिकाणी राहणाऱ्या काही नागरिकांनी दिली आहे. रविवारी (ता. 19) सायंकाळी साडेचार ते पाऊणे पाच वाजण्याच्या सुमारास ही घटना घडली आहे.
यावेळी कुशल वाटिका इमारतीच्या छतावर वीज कोसळली. वीज कोसळताच छताच्या संरक्षक भिंतीवरील काही भाग निखळला असून टेरेसवर मोठ्या प्रमाणावर तुकडे उडाल्याचे निदर्शनास आले.
दरम्यान, वीज कोसळली यावेळी या ठिकाणी मोठा आवाज होऊन लाईटही गेली असल्याचे काही नागरिकांनी सांगितले. सुदैवाने कोणतीही जीवितहानी झाली नसली तरी काही काळासाठी घबराट निर्माण झाली होती.
