-दीपक खिलारे
इंदापूर : इंदापूर बारामती मार्गावर ट्रक आणि हायवा गाडीची धडक होऊन दोन्ही वाहने पेट घेतल्याची घटना घडली आहे. ही घटना रविवार ( दि.13) सायंकाळी साडेसहा वाजण्याच्या सुमारास घडली आहे. सुदैवाने चालक वेळीच बाहेर पडल्याने या अपघातात जीवितहानी झाली नाही. मात्र वाहनांचे जळून मोठे नुकसान झाले आहे.
मिळालेल्या माहितीनुसार, या अपघातात जळालेला ट्रक (आर जे 11 जी डी 0431 ) हा फलटण येथून बारामती मार्गे इंदापूरच्या दिशेने येत होता. त्यावेळी समोरुन इंदापूरकडून निमगावकडे निघालेल्या हायवा डंपर (MH 04 CU 5944) यांची समोरासमोर धडक झाली. आणि या अपघातामुळे वाहनातील वायरिंगचे शॉर्टसर्किट होऊन दोन्ही वाहनांनी पेट घेतला. यावेळी अग्निशमक दलाने आग आटोक्यात आणली.
दरम्यान, याघटनेची माहिती मिळताच पोलीस घटनास्थळी दाखल होत जखमींना रुग्णालयात उपचारासाठी पाठवण्यात आले.
