उरुळी कांचन, (पुणे) : नायगाव (ता. हवेली) येथे कॉलेज ऑफ नर्सिंग एएफएमसी पुणे यांच्यातर्फे 07 ते 20 ऑक्टोबर 2024 या कालावधीत दोन आठवड्यांचे ग्रामीण आरोग्य शिबीर आयोजित करण्यात आले होते. या शिबिरात विद्यार्थ्यांनी गृहभेटी घेतल्या आणि विविध चाचण्या करून रूग्णांना रुग्णालयात पाठवले. शालेय आरोग्य कार्यक्रम देखील आयोजित केला होता. ज्यामध्ये जिल्हा परिषद शाळेतील 186 विद्यार्थ्यांची संपूर्ण आरोग्य तपासणी करण्यात आली. तसेच वेक्टर जनित रोगांचे सामाजिक जनसांख्यिकीय सर्वेक्षण करण्यात आले.
दोन आठवड्यांच्या अनुभवाच्या शेवटी, समाजाच्या ओळखलेल्या गरजांवर आधारित, प्राथमिक आरोग्य केंद्र कुंजीरवाडीच्या सहकार्याने ‘निरोगी काया निरोगी जीवन’ या थीमवर आधारित सामूहिक आरोग्य शिक्षण कार्यक्रम आणि आरोग्य शिबिर आयोजित करण्यात आले होते. कार्यक्रमास ब्रिगेडियर कॉलेज ऑफ नर्सिंग एएफएमसी प्रिन्सिपल वंदना अग्निहोत्री, कम्युनिटी मेडिसीन एएफएमसी विभागाच्या प्राध्यापिका कर्नल स्वाती बजाज, नायगाव उपकेंद्राच्या डॉ. सुखदा कदम, अश्विनी चौधरी, नायगावचे माजी सरपंच राजेंद्र चौधरी, पूर्व संधेश गुच्छे, आरोग्यदूत, कुंजीरवाडी गावकऱ्यांनी शिबिरात सक्रिय सहभाग नोंदवला. येवेळी मधुमेह, बीपी इ. वगळण्यासाठी जोखीम मूल्यमापन नमुने घेण्यात आले.
दरम्यान, आरोग्य तपासणी व्यतिरिक्त, वेक्टर बोर्न रोग आणि उच्च रक्तदाब, मधुमेह मेलिटस, ॲनिमिया आणि कर्करोग यांसारख्या असंसर्गजन्य रोगांचे प्रतिबंध आणि नियंत्रण यावर आरोग्य शिक्षण दिले गेले. शाळेतील मुलांमध्ये वैयक्तिक स्वच्छता आणि चांगल्या सवयींवर विशेष भर देण्यात आला. ज्यामुळे समाजात निरोगी जीवनशैलीला चालना देण्यात आली. लेफ्टनंट कर्नल सोनिया सकलानी आणि लेफ्टनंट कर्नल तनू जडली यांच्या देखरेखीखाली आणि मार्गदर्शनाखाली विद्यार्थ्यांनी पुढाकार घेतला आणि ग्रामीण समुदायामध्ये आरोग्य सेवा आणि जागरूकता सुधारण्यासाठी ग्रामस्थांना मदत केली.
