Fursungi News फुरसुंगी, (पुणे) : आयटी क्षेत्रात कार्यरत असलेल्या एका महिला सासरच्या मंडळींनी मारहाण, फसवणुक व “मुल होत नाही” असे म्हणून मानसिक छळ केल्याची घटना घडली आहे. हि घटना फुरसुंगी (ता. हवेली) परिसरात घडली असून पतीसह 5 जणांच्या विरोधात गुन्हा दाखल करण्यात आला आहे. Fursungi News
प्रविण गौतम गायकवाड, शालन गौतम गायकवाड, गौतम श्रीरंग गायकवाड, संजिवनी आबा मस्के व भाग्यश्री उमेश रोटे अशी गुन्हा दाखल करण्यात आलेल्यांची नावे आहेत. या प्रकरणी एका 33 वर्षीय महिलेने फुरसुंगी पोलीस ठाण्यात फिर्याद दिली आहे. Fursungi News
पोलिसांनी दिलेल्या माहितीनुसार, फिर्यादी या सध्या माहेरी वास्तव्यास असून एका आयटी कंपनीत कार्यरत आहेत. पहिल्या विवाहानंतर घटस्फोट घेतल्यानंतर मॅट्रिमोनी संकेतस्थळावरून त्यांची ओळख प्रविण गौतम गायकवाड याच्याशी झाली. स्वतःला उच्च पगाराची आयटी नोकरी असल्याचे सांगत त्याने २०२१ मध्ये त्यांच्याशी विवाह केला. Fursungi News
लग्नानंतर काही महिने संसार सुरळीत चालला. मात्र, लवकरच पतीचे इतर महिलांशी संबंध असल्याचे समोर येऊ लागले. महिलेने याबाबत जाब विचारला असता, “त्या फक्त मैत्रिणी आहेत” असे सांगून पती वेळ मारून नेत होता. मात्र, प्रत्यक्षात त्याचे अनेक महिलांशी संबंध असल्याने तक्रारदार महिलेला प्रचंड मानसिक त्रास सहन करावा लागला. Fursungi News
पतीने लग्नावेळी सांगितलेली नोकरी, पगार आणि जीवनशैली याबाबतची माहिती खोटी असल्याचेही पुढे उघड झाले. त्याचबरोबर तो इतरांकडून पैसे घेणे, विनाकारण खर्च करणे आणि घरात वाद घालणे, हे प्रकार वाढत गेले. या वादांमध्ये सासू-सासरेही सहभागी आहेत. Fursungi News
दरम्यान, “मुल होत नाही” या कारणावरून तिला सतत टोमणे मारले जात होते. तसेच “लग्नात काही दिले नाही” म्हणून तिचा अपमान केला जात होता. अनेक वेळा पती व सासरच्यांनी मिळून मारहाण, शिवीगाळ आणि घराबाहेर काढण्याची धमकी दिली आहे. सन २०२५ मध्ये तक्रारदार महिला गरोदर राहिल्यानंतरही पतीकडून कोणतीही काळजी घेतली गेली नाही. खाण्यापिण्याचीही योग्य सोय केली जात नव्हती. दरम्यान, तिने मुलाला जन्म दिल्यानंतरही पतीकडून दुर्लक्षच सुरू राहिले. मुलाच्या आजारपणातही उपचारासाठी पुढाकार घेतला नाही. Fursungi News
२०२६ मध्ये पतीचे एका अन्य महिलेसोबत संबंध असल्याचे स्पष्ट झाले. संबंधित महिलेसोबत लग्न केल्याचे फोटो पाहिल्याचा दावा तक्रारदार महिलेने केला आहे. मात्र, याबाबत पतीने टाळाटाळ केल्याने संशय अधिक बळावला. लग्नावेळी दिलेले सुमारे ११ ते १२ तोळे सोन्याचे दागिने पतीकडे असून ते अन्य महिलेला दिल्याची शंका तक्रारदार महिलेने व्यक्त केली आहे.
दरम्यान, सततच्या छळामुळे त्रस्त झालेल्या महिलेने अखेर आपल्या लहान मुलासह माहेरी आश्रय घेत पोलिसांत तक्रार दाखल केली. या प्रकरणी पोलिसांनी पती, सासू, सासरे व नातेवाईकांविरोधात भारतीय न्याय संहिता (BNS) 2023 च्या कलम 115(2), 3(5), 85, 352 आणि 351(2) अन्वये गुन्हा दाखल केला असून पुढील तपास सुरू आहे. Fursungi News
