Ashok Kharat Case नाशिक, ता. 3 : भोंदूगिरी व आर्थिक फसवणूक प्रकरणात अटकेत असलेल्या अशोक खरात याच्या अडचणीत सातत्याने वाढ होत असून, न्यायालयाने त्याला नवव्या गुन्ह्यात चार दिवसांची पोलीस कोठडी सुनावली आहे. या प्रकरणाचे धागेदोरे आता व्यापक पातळीवर पसरत असल्याचे दिसून येत आहे. Ashok Kharat Case
दरम्यान, तपासादरम्यान काही आर्थिक व्यवहार आणि संपर्कांच्या आधारे रुपाली चाकणकरांच्या बाहीन प्रतिभा चाकणकर यांना अंमलबजावणी संचालनालय (ईडी) कडून चौकशीसाठी समन्स बजावण्यात आले आहेत. यामुळे या प्रकरणाला नवे वळण मिळाले आहे. Ashok Kharat Case
तपासात उघडकीस आलेल्या माहितीनुसार, खरातने अनेक व्यक्तींची ओळखपत्रे वापरून आर्थिक व्यवहार केल्याचा संशय आहे. काही पतसंस्थांमध्ये तो अनेक खात्यांचा ‘नॉमिनी’ असल्याचेही समोर आले असून, संबंधित व्यवहारांची सखोल चौकशी सुरू आहे. काही खात्यांमधील व्यवहार संशयास्पद असल्याचे प्राथमिक निष्कर्ष आहेत. Ashok Kharat Case
याशिवाय, लोकांना भीती दाखवून पैसे उकळल्याच्या आरोपांवरून त्याने मोठ्या प्रमाणावर संपत्ती उभारल्याचा संशय तपास यंत्रणांनी व्यक्त केला आहे. एका व्यापाऱ्याला धार्मिक विधीचे आमिष दाखवून मोठी रक्कम उकळल्याचा आरोपही समोर आला असून, या संदर्भातील पुरावे न्यायालयात मांडण्यात आले.
दरम्यान, कॉल डिटेल रेकॉर्डच्या आधारे काही संपर्कांची तपासणी सुरू असून, आर्थिक व्यवहारांची छाननी केली जात आहे. अंदाजे कोट्यवधी रुपयांच्या संशयास्पद व्यवहारांबाबत अंमलबजावणी संचालनालय कडून चौकशी होण्याची शक्यता आहे. या संपूर्ण प्रकरणाचा तपास अधिक व्यापक होत असून, पुढील काळात आणखी काही महत्त्वाच्या बाबी समोर येण्याची शक्यता तपास यंत्रणांकडून व्यक्त केली जात आहे.
