Sasvad News : सासवड, (पुणे) : सासवड (ता. पुरंदर) येथील पालखी मैदान परिसरात ऑकेस्ट्राच्या कार्यक्रमातील जुन्या वादाचा राग मनात धरून एका तरुणाला बेदम मारहाण केल्याची घटना घडली आहे. याप्रकरणी सासवड पोलिसांनी बेलसर येथील दोन आरोपींसह इतर तीन ते चार अनोळखी व्यक्तींविरुद्ध गंभीर स्वरूपाचे गुन्हे दाखल केले आहेत. हि घटना गुरुवारी (ता. 30) सकाळी पाऊणे बारा वाजण्याच्या सुमारास घडली. Sasvad News
अदित्य सुरेश खेंगरे (व्यवसाय शिक्षण रा. तक्रारवाडी ता. पुरंदर जि.पुणे) असे मारहाण झालेल्या तरुणाचे नाव आहे. तर शुभम जगताप आणि अमर जगताप (दोघे रा. बेलसर) व अनोळखी 4 इसम अशी मारहाण करणाऱ्या आरोपींची नावे आहेत. याप्रकरणी अदित्य खेंगरे यांनी दिलेल्या तक्रारीनुसार आरोपींवर विविध कलमान्वये गुन्हा दाखल करण्यात आला आहे. Sasvad News
मिळालेल्या माहितीनुसार, तक्रारवाडी येथील आदित्य खेंगरे काही दिवसांपूर्वी गावातील ऑकेस्ट्राच्या कार्यक्रमात गोंधळ करू नका, असे आरोपींना सांगितले होते. याच गोष्टीचा राग मनात धरून गुरुवारी (ता. 30) सकाळी पाऊणे बारा वाजण्याच्या सुमारास सासवड येथील पालखी मैदानाच्या गेटसमोर आरोपींनी आदित्यला गाठले. Sasvad News
आरोपी शुभम जगताप आणि अमर जगताप यांच्यासह त्यांच्यासोबत असलेल्या 3 ते 4 अनोळखी साथीदारांनी आदित्यला घेरले. यावेळी आरोपींनी त्याला अश्लील शिवीगाळ करत लाथाबुक्क्यांनी मारहाण केली. इतकेच नव्हे, तर एका आरोपीने आपल्या कमरेचा बेल्ट काढून आदित्यला अमानुषपणे झोडपून काढले आणि जीवे मारण्याची धमकी दिली. Sasvad News
या प्रकरणी आदित्य खेंगरे याने दिलेल्या तक्रारीवरून सासवड पोलीस ठाण्यात भारतीय न्याय संहिता (BNS) कलम ११८(१), १८९(२), १९०, १९१(२), ११५(२), ३५२, ३५१ (२) (३) नुसार गुन्हा दाखल करण्यात आला आहे. या घटनेचा पुढील तपास पोलीस हवालदार गायकवाड करत आहेत. Sasvad News
