Pune News पुणे, ता. 3 : हिंजवडी आयटी पार्क परिसरातील एका सोसायटीत सुरक्षारक्षकाकडून अल्पवयीन मुलीसोबत गैरवर्तन केल्याची गंभीर घटना समोर आली आहे. या प्रकरणात हिंजवडी पोलिसांनी तत्पर कारवाई करत आरोपीला काही तासांत अटक केली असून त्याच्यावर ‘पोक्सो’ अंतर्गत गुन्हा दाखल करण्यात आला आहे. Pune News
विजय मधुकर चव्हाण (वय २४) असे अटक करण्यात आलेल्या आरोपीचे नाव आहे. पोलीस दिलेल्या माहितीनुसार, बुधवारी (ता.29) सायंकाळच्या सुमारास सोसायटीतील प्ले-एरियामध्ये दोन लहान मुली खेळत होत्या. यावेळी ड्युटीवर असलेल्या सुरक्षारक्षकाने त्यांना बोलावून घेतले. त्यानंतर त्याने एका मुलीसोबत अयोग्य वर्तन केल्याचा आरोप आहे. मुलगी घाबरून गेली असली तरी तिने धाडसाने तिथून निसटत घरी जाऊन पालकांना माहिती दिली. Pune News
या घटनेची माहिती मिळताच पालकांनी तत्काळ हिंजवडी पोलीस ठाण्यात धाव घेत तक्रार दाखल केली. पोलिसांनीही प्रकरणाचे गांभीर्य लक्षात घेऊन तातडीने तपास सुरू केला. रात्री उशिरा छापा टाकून आरोपीला ताब्यात घेण्यात आले. आरोपीचे विजय चव्हाण याच्यावर ‘पोक्सो’ कायद्यांतर्गत कठोर कलमांखाली गुन्हा दाखल करण्यात आला आहे. पुढील तपास हिंजवडी पोलीस करत आहेत. Pune News
