Delhi Judge Suicide : नवी दिल्ली : दिल्लीतील ग्रीन पार्क परिसरात एका तरुण न्यायाधीशाने आत्महत्या केल्याची धक्कादायक घटना समोर आली आहे. अमन कुमार शर्मा (वय अंदाजे ३०-३५) असे मृत न्यायाधीशाचे नाव असून ते दिल्लीतील DLSA मध्ये सचिव म्हणून कार्यरत होते. Delhi Judge Suicide
मिळालेल्या माहितीनुसार, घटनेच्या आदल्या रात्री अमन यांनी आपल्या वडिलांना फोन करून “जगणं अवघड झालंय, मी खूप त्रस्त आहे” असे सांगितले होते. या फोननंतर त्यांचे वडील तातडीने राजस्थानमधील अलवर येथून दिल्लीला पोहोचले. तेव्हा घरात अमन आणि त्यांच्या पत्नीमध्ये वाद सुरू असल्याचे समोर आले. Delhi Judge Suicide
रविवारी सकाळी पुन्हा दोघांमध्ये वाद झाल्यानंतर अमन यांनी स्वतःला बाथरूममध्ये कोंडून घेतले आणि गळफास घेतल्याचे प्राथमिक तपासात समोर आले आहे. दुपारी सुमारे पाऊणे एक वाजता पोलिसांना माहिती मिळाल्यानंतर ते घटनास्थळी दाखल झाले. Delhi Judge Suicide
पोलिसांनी दिलेल्या माहितीनुसार, या प्रकरणात मृताच्या पत्नीचा जबाब नोंदवला जात असून मोबाईल आणि कॉल डिटेल्सची तपासणी सुरू आहे. तसेच शेजारी आणि सहकाऱ्यांची चौकशी करून आत्महत्येमागील नेमके कारण शोधण्याचे काम सुरू आहे. अमन कुमार शर्मा हे मूळचे राजस्थानातील अलवर येथील रहिवासी होते. त्यांनी २०१८ मध्ये पुण्यातून कायद्याचे शिक्षण पूर्ण केले होते आणि २०२१ मध्ये न्यायिक सेवेत प्रवेश केला होता. ऑक्टोबर २०२५ पासून ते कडकडडूमा न्यायालयातील DLSA सचिव म्हणून कार्यरत होते. Delhi Judge Suicide
दरम्यान, या घटनेमुळे त्यांच्या कुटुंबावर दुःखाचा डोंगर कोसळला असून परिसरात हळहळ व्यक्त केली जात आहे. पोलिस तपासानंतरच आत्महत्येमागील खरी कारणे स्पष्ट होणार आहेत. Delhi Judge Suicide
