Pune Nasrapur Case : नसरापूर, (पुणे) : पुणे जिल्ह्यातील भोर तालुक्यातील नसरापूर येथे घडलेल्या अत्यंत संतापजनक घटनेनंत संपूर्ण राज्यात तीव्र संतापाची लाट उसळली आहे. चार वर्षांच्या चिमुकलीवर अत्याचार करून तिची निर्घृण हत्या केल्याच्या प्रकरणाने माणुसकी हादरली आहे. Pune Nasrapur Case
या घटनेनंतर पीडित कुटुंबीयांवर दुःखाचा डोंगर कोसळला असून, मुलीच्या वडिलांनी एक भावनिक आणि ठाम भूमिका मांडली आहे. “जोपर्यंत माझ्या मुलीला न्याय मिळत नाही, आरोपीला फाशीची शिक्षा होत नाही, तोपर्यंत कोणत्याही नेतेमंडळींनी आमच्या घरी भेट देऊ नये,” अशी विनंती त्यांनी केली आहे. Pune Nasrapur Case
ते पुढे म्हणाले, “मी सध्या अस्थी विसर्जनासाठी देहू येथे आलो असताना कुटुंबीयांनी सांगितले की, विविध राजकीय नेते घरी भेट देण्यासाठी येत आहेत. पण आमची एकच अपेक्षा आहे. आधी न्याय, नंतर भेट. आरोपीला कठोर शिक्षा झाल्यानंतरच कोणीही आमच्याकडे यावे.” Pune Nasrapur Case
दरम्यान, या प्रकरणामुळे नसरापूर परिसरात संतप्त प्रतिक्रिया उमटत असून, आरोपीला कठोरात कठोर शिक्षा देण्याची मागणी गावकऱ्यांकडून होत आहे. Pune Nasrapur Case
घटनेचा तपशील:
पीडित चिमुकली सुट्ट्यांसाठी आजी-आजोबांकडे नसरापूर येथे आली होती. दुपारी घराबाहेर खेळत असताना गावातीलच एका ६५ वर्षीय व्यक्तीने तिला फूस लावून गोठ्यात नेले. तेथे तिच्यावर अत्याचार करून, पुरावे नष्ट करण्यासाठी तिची दगडाने ठेचून हत्या करण्यात आली. नंतर मृतदेह शेणाच्या ढिगाऱ्याखाली लपवण्यात आला. Pune Nasrapur Case
सायंकाळी मुलगी सापडत नसल्याने कुटुंबीयांनी शोध घेतला असता तिचा मृतदेह आढळला. परिसरातील CCTV फुटेज तपासल्यावर संशयित आरोपी मुलीला गोठ्याकडे नेताना दिसून आला. पोलिसांनी तत्काळ कारवाई करत आरोपीला ताब्यात घेतले असून त्याला न्यायालयाने 7 मेपर्यंत पोलिस कोठडी सुनावली आहे. या अमानुष घटनेमुळे संपूर्ण समाजातून संताप व्यक्त होत असून, पीडितेला न्याय मिळावा यासाठी कडक कारवाईची मागणी जोर धरत आहे. Pune Nasrapur Case
