Daund News : खुटबाव  विविध कार्यकारी सेवा सहकारी संस्थेच्या तज्ञ संचालकपदी विलास थोरात व संदीप थोरात यांची बिनविरोध निवड

गणेश सूळ

Daund News : केडगाव : दौंड तालुक्यात राजकीयदृष्ट्या महत्वाची असलेल्या खुटबाव विविध कार्यकारी सेवा सहकारी संस्थेच्या तज्ञ संचालक पदी विलास थोरात व संदीप थोरात यांची बिनविरोध निवड करण्यात आली आहे. (Unopposed election of Vilas Thorat and Sandeep Thorat as expert directors of Khutbav society; 50 years of unopposed elections)

तब्बल ५० वर्ष बिनविरोध निवडणुकीचा पायंडा

खुटबाव येथील विविध कार्यकारी सेवा सहकारी संस्थेच्या १३ संचालकांची नुकतीच बिनविरोध निवड झाली होती. तर तज्ञ संचालकासाठी काल बुधवारी (ता.७) निवडणूक प्रक्रिया झाली. हि निवडणूक प्रक्रिया निवडणूक निर्णय अधिकारी हर्षद तावरे यांच्या अध्यक्षतेखाली पार पडली. (Daund News) या निवडणुकीत सर्वानुमते विलास थोरात व संदीप थोरात यांची बिनविरोध निवड करण्यात आली.

निवडणूक निर्णय अधिकारी हर्षद तावरे यांच्याहस्ते नवनिर्वाचित संचालकांना निवडीचे पत्र देण्यात आले. यावेळी संस्थेचे अध्यक्ष महेश थोरात, माजी अध्यक्ष नानासो थोरात, माजी सरपंच शिवाजी थोरात, गणेश पाडळे, सुनील फणसे, योगेश थोरात, सुधीर थोरात, अभिजित जगताप, कैलास गिरमे आदी मान्यवर मोठ्या संख्येने उपस्थित होते.

सहकार क्षेत्रातील विकास सोसायट्यांची मूहुर्तमेढ रोवताना ७८ वर्षापूर्वी खुटबाव विविध कार्यकारी सेवा सहकारी संस्थेची स्थापना करण्यात आली होती. संस्थेकडून भरीव कर्जवाटप, पिककर्ज आणि रासायनिक खतांची विक्री अशा स्वरुपात कारभार चालू आहे. (Daund News) संस्थेचा कारभार माजी आमदार रमेश थोरात यांच्या मार्गदर्शनाखाली सुरु आहे. तसेच गेल्या ५० वर्ष कुठलेही इलेक्शन न घेता. संस्थेने बिनविरोध निवडीचा पायंडा पाडला आहे.

दरम्यान, दोन्ही नवनिर्वाचित संचालकाचा शाल, श्रीफळ, व पुष्पगुच्छ देऊन माजी आमदार रमेश थोरात यांच्या हस्ते सत्कार करण्यात आला. व त्यांनीं दोन्ही तज्ञ संचालकांना पुढील वाटचालीस शुभेच्छा दिल्या.

आगामी काळात संस्थेचा कारभार पारदर्शकपणे करणार आहे. तसेच संचालक मंडळ आणि सर्व सदस्यांना एकत्र घेऊन संस्थेचा विकास करण्यासाठी प्रयत्न करणार आहे. असे निवडीनंतर बोलताना नवनिर्वाचित तज्ञ संचालक विलास थोरात व संदीप थोरात यांनी सांगितले.

अधिक बातम्या वाचण्यासाठी येथे क्लिक करा :

Daund News : संजय गांधी निराधार योजनेच्या लाभापासून दौंड तालुक्यातील लाभार्थी वंचित…

Daund News : बारामती लोकसभा मतदार संघाची आमदार राहुल कुल यांच्याकडे धुरा …

Daund News : 350 वा शिवराज्याभिषेक सोहळा दौंड शहरात मोठ्या उत्साहात साजरा