राहुलकुमार अवचट
यवत, (पुणे) : दौंड येथील जनसेवा प्रतिष्ठानच्या वतीने ‘गणराया अवॉर्ड २०२३’चे आयोजन करण्यात आल्याची माहिती जनसेवा प्रतिष्ठाणच्या संयोजन समितीने दिली. दौंड तालुक्याचे आमदार राहुल कुल यांच्या संकल्पनेतून तालुक्याच्या सांस्कृतिक क्षेत्रात उत्साह जागविणाऱ्या ‘गणराया अवॉर्ड २०२३’चे आयोजन करण्यात आले आहे.
इच्छुक गणेश उत्सव मंडळांनी आपली माहिती, केलेली सजावट, सामजिक कार्य लिंकमध्ये भरावे. तालुक्यातील प्रत्येक गणेश मंडळांचे परीक्षण करण्यासाठी जनसेवा प्रतिष्ठानची परीक्षा टीम प्रत्येक मंडळापर्यंत पोहचणार आहे.
दौंड तालुक्यातील तरुणांमध्ये लोकप्रिय झालेले जनसेवा प्रतिष्ठान आयोजित ‘गणराया अवॉर्ड २०२३’ यंदाही मोठ्या दिमाखात होणार आहे. सर्वच मंडळांनी यामध्ये सहभाग नोंदवावा, असे आवाहन संयोजन समितीच्या वतीने करण्यात आले आहे. गणेश मंडळांनी यामध्ये सहभाग नोंदवण्यासाठी https://forms.gle/G13CzAcWhvZmJ1Gk8 या लिंकचा उपयोग करावा, असे आवाहन संयोजकांनी केले आहे.
