राहुलकुमार अवचट
यवत : Daund News – दौंड तालुका कृषी उत्पन्न बाजार समितीच्या पंचवार्षिक निवडणूकीसाठी भारतीय जनता पार्टी, शिवसेना, आरपीआय, शिवसंग्राम, रयत क्रांती संघटना व मित्र पक्ष पुरस्कृत जनसेवा विकास पॅनलच्या प्रचाराचा शुभारंभ आज बोरीपार्धी, चौफुला (ता. दौंड) (Daund News)येथे श्री बोरमालनाथांच्या चरणी श्रीफळ वाढवून करण्यात आला. (Daund News)
यावेळी पार पडलेल्या सभेला मतदार व शेतकरी बांधवांचा मोठा प्रतिसाद लाभला. यावेळी दौंड तालुक्यातील राष्ट्रवादी काँग्रेस पक्षाचे जेष्ठ नेते, कात्रज दूध संघाचे माजी संचालक स्वर्गीय नानासाहेब फडके यांचे नुकतंच निधन झाल्याने भारतीय जनता पार्टी व मित्रपक्ष पुरस्कृत जनसेवा विकास पॅनलच्या वतीने स्वर्गीय नानासाहेब फडके यांना सर्वांनी श्रद्धांजली वाहिली.
राज्य शासनाने घेतलेल्या निर्णयामुळे सामान्य शेतकऱ्यांना बाजार समितीची निवडणूक लढविता येत असुन मंत्रिमंडळाच्या या निर्णयामुळे कृषी उत्पन्न बाजार समितीवर सर्वसामान्य शेतकऱ्यांचे प्रतिनिधित्व तसेच कामकाजात प्रत्यक्ष सहभाग वाढणार आहे. भविष्यात शेतकर्यांच्या शेतीमाल खरेदी-विक्री व्यवसायासाठी आवश्यक त्या सर्व सोयी सुविधा पुरवणे, त्यांच्या हितांचे संरक्षण करणे आदीसाठी ही निवडणूक अत्यंत महत्वाची असुन सर्वांनी एकज़ूटीने, एकदीलाने काम करावे व जनसेवा विकास पॅनलच्या सर्व उमेदवारांना विजयी करावे. असे आवाहन यावेळी केले आमदार राहुल कुल यांनी केले.
यावेळी भारतीय जनता पार्टीचे तालुकाध्यक्ष माऊली ताकवणे, दौंड चे माजी नगराध्यक्ष प्रेमसुख कटारिया, सुरेश शेळके, आनंद थोरात, नामदेव बारवकर, नंदू पवार यांसह अनेक मान्यवर, भारतीय जनता पार्टी, शिवसेना, आरपीआय, शिवसंग्राम, रयत क्रांती संघटना मित्र पक्षांचे आजी- माज़ी पदाधिकारी, कार्यकर्ते मोठ्या संख्येंने उपस्थित होते.
जनसेवा विकास पॅनलचे उमेदवार पुढील प्रमाणे :
१) शरद बापूराव कोळपे – दहिटणे (सेवा सहकारी संस्था सर्वसाधारण मतदारसंघ)
२)भारत सुखदेव खराडे – राजेगाव
३) बाळासाहेब गणपत शितोळे – खोपोडी
४) संतोष रघुनाथ आखाडे – कासुर्डी (सेवा सहकारी संस्था सर्वसाधारण मतदारसंघ)
५) बापुसाहेब शिवाजी झगडे – पांढरेवाडी
६) डॉ.रामदास बाबा रूपनवर – बोरीपार्धी
७) नितीन भिमराव वाळके – मलठण (सेवा सहकारी संस्था सर्वसाधारण मतदारसंघ)
८) अशोक पंढरीनाथ हंडाळ – केडगाव (सेवा सहकारी संस्था विमुक्त जाती भटक्या जाती मतदारसंघ )
९) दत्तात्रय दामोदर बारवकर – देऊळगाव गाडा (सेवा सहकारी संस्था इतर मागासवर्गीय मतदारसंघ)
१०) नलिनी पांडुरंग शितोळे – पाटस (सेवा सहकारी संस्था महिला राखीव मतदारसंघ)
११) शितल विनोद काळे – आलेगाव
१२) अतुल लक्ष्मण ताकवणे – पारगाव (ग्रामपंचायत सर्वसाधारण मतदारसंघ)
१३) गणेश अंकुश जगदाळे – लिंगाळी
१४) अशोक महादेव फरगडे – वरवंड (ग्रामपंचायत आर्थिक दृष्ट्या दुर्बल घटक मतदारसंघ)
१५) राहुल गणपत चाबुकस्वार – कानगाव
१६) श्रीकांत चंद्रकांत कदम – गलांडवाडी (व्यापारी अडते मतदारसंघ)
१७) किशोर पांडुरंग भोसले – केडगाव
१८) कालिदास किसन रूपनवर – बोरीपार्धी (हमाल मापाडी मतदारसंघ)
अधिक बातम्या वाचण्यासाठी येथे क्लिक करा:
Daund News : पाण्याच्या टाकीत पडून ५ वर्षाच्या मुलाचा मृत्यू ; दौंड तालुक्यातील घटना
