लोणी काळभोर, (पुणे) : पुणे – सोलापूर महामार्गावरील कदमवाकवस्ती ग्रामपंचायत हद्दीत कंटेनरने चारचाकी गाडीला जोरदार धडक दिल्याची घटना घडली आहे. या धडकेत चारचाकी गाडी ही महामार्गावर पलटी झाली आहे. शनिवारी (ता. २४) सायंकाळी सहा वाजण्याच्या सुमारास मनाली हॉटेल परिसरात ही घटना घडली आहे.
या घटनेत कोणतीही जीवितहानी झाली नसली तरी गाडीचे मोठ्या प्रमाणात नुकसान झाले आहे. तसेच रस्त्याच्या दोन्ही बाजूला वाहतूक कोंडी झाली असून बघ्यांनी मोठी गर्दी केली आहे.
दरम्यान, कंटेनर चालक सदर ठिकाणावरून पळून गेला असून चारचाकी काढण्यासाठी उरुळी कांचन येथील कौस्तुभ मेमाणे व त्यांच्या सहकाऱ्यांनी जिप्सीच्या सहाय्याने चारचाकी गाडी महामार्गावून बाजूला केली. सदर ठिकाणी लोणी काळभोर वाहतूक शाखेचे पोलीस वाहतूक सुरळीत करीत आहेत.
सविस्तर वृत्त थोड्याच वेळात
