लोणी काळभोर, (पुणे) : पुणे – सोलापूर महामार्गावर लोणी काळभोर (ता. हवेली) ग्रामपंचायत हद्दीतील राजेंद्र पेट्रोल पंपाशेजारी सोलापूरच्या दिशेने निघालेली बोलेरो गाडीवरील चालकाचा ताबा सूटल्याने गाडी रस्त्याच्या दुभाजकावरून पुण्याच्या बाजूकडे जाणाऱ्या एका चारचाकी गाडीवर आदळल्याची घटना घडली आहे. रविवारी (ता. २९) सायंकाळी सव्वा चार वाजण्याच्या सुमारास हि घटना घडली आहे.
व्हिडिओ पाहण्यासाठी येथे क्लिक करा :
या अपघातात तिघेजण गंभीर जखमी झाले असून एकाची परिस्थिती गंभीर असल्याची माहिती उपस्थित असलेल्या नागरिकांनी दिली. जखमींना लोणी काळभोर येथील एका बड्या खाजगी रुगणालयात दाखल करण्यात आले असून त्यांच्यावर उपचार सुरु आहेत. जखमींची नावे अद्याप समजू शकली नाहीत.
मिळालेल्या माहितीनुसार, रविवारी सायंकाळी चार साडेतीन वाजण्याच्या सुमारास सोलापूरच्या दिशेने बोलेरो या चारचाकी गाडीतून दोघेजन निघाले होते. याचवेळी लोणी काळभोर ग्रामपंचायत हद्दीतील राजेंद्र पेट्रोल पंपाशेजारी चालकाचा गाडीवरील ताबा सुटल्याने गाडी डिव्हायडरला जाऊन धडकली.
दरम्यान, डिव्हायडरला गाडी धडकली असता गाडीने तीन पलटी मारत पुण्याच्या बाजूकडे जाणाऱ्या एका चारचाकी गाडीवर जाऊन आपटली. यामध्ये या चारचाकी चालकाच्या डोक्याला व छातीला गंभीर दुखापत झाली असून कार पलटल्यानंतर कारमधील चालकाला रुगणालयात दाखल करण्यात आले आहे.
तसेच बोलेरो गाडीतील दोघांनाहि स्थानिकांच्या मदतीने लोणी काळभोर येथील रुगणालयात दाखल करण्यात आले आहे. सदर ठिकाणी बघ्यांनी मोठी गर्दी केली असून थेऊर फाटा या ठिकाणापर्यंत लांबलचक वाहनांच्या रांगा लागल्या होत्या.
