लोणी काळभोर : लोणी काळभोर (ता. हवेली) येथील एमआयटी आर्ट, डिझाईन आणि टेक्नालॉजी विद्यापीठातील आग लागल्याची धक्कादायक घटना आज रविवारी (ता.२६) सायंकाळी सहा वाजण्याच्या सुमारास घडली आहे.
मिळालेल्या माहितीनुसार, एमआयटी कॉलेज मधील गुरुकुल जवळ असलेल्या बॉक्सिंग क्लब जवळ हि आग लागली आहे. सुदैवाने या आगीत कोणत्याही प्रकारची जीवित हानी झाली नाही. मात्र या आगीत लाकडी बेंच जाळून खाक झाले आहेत. हि आग शॉर्टसर्किटमुळे लागल्याची माहिती मिळत आहे.
दरम्यान, या घटनेची माहिती मिळताच, लोणी काळभोर पोलीस ठाण्याचे पोलीस उपनिरीक्षक वैभव मोरे, पोलीस कर्मचारी राहुल माळगे तातडीने घटनास्थळी दाखल झाले. पोलीस आणि एमआयटीतील कर्मचाऱ्यांच्या मदतीने आग विझविण्याचे काम युद्ध पातळीवर सुरू आहे.
