Breaking : पुणे : बिबवेवाडी परिसरातील गंगाधाम येथील मंडपाच्या साहित्याच्या गोदामास 20 गोदामांना भीषण आग लागली आहे. गेल्या 2 तासांपासून ही आग भडकली असून आकाशात दूरवर धुराचे मोठे लोट दिसून येत आहे.
घटनास्थळी अग्निशमनासाठी २२ वाहने दाखल
अग्निशमन दलाच्या भवानी पेठेतील मुख्य कार्यालयातूनही या आगीचे आकाश उठलेले लोट दिसून येत आहेत. बिबवेवाडी परिसरातील गंगाधाम येथील आईमाता येथील एका गोदामाला रविवारी सकाळी पावणे नऊ वाजण्याच्या सुमारास आग लागली. अग्निशमन दलाला याची माहिती 8 वाजून 55 मिनिटांनी मिळाली. त्याबरोबर अग्निशमन दलाच्या गाड्या तातडीने घटनास्थळी पोहचल्या. मंडपाच्या गोदामाला सर्वप्रथम आग लागली. ही आग शेजारी असलेल्या इतर 3 गोदामापर्यंत पसरली आहे.
या परिसरात 20 ते 30 गोदामे असून ही आग आणखी पसरु नये, यासाठी अग्निशमन दलाचे अधिकारी व कर्मचारी प्रयत्न करीत आहेत.
दोन तासाहून अधिक काळ लोटला तरीही अद्याप आगीवर नियंत्रण मिळविले शक्य झाले नाही. विविध साहित्याचे 20 गोडाउन आगीच्या भक्ष्यस्थानी गेले आहेत. पुणे व PMRDA अशी एकुण 22 अग्निशमन वाहने घटनास्थळी असून आग विझवण्याचे काम सुरू आहे. आगीमध्ये सुदैवाने कोणीही जखमी झालेले नाही.
अधिक बातम्या वाचण्यासाठी येथे क्लिक करा :
