जीवन सोनवणे
Bhor News : भोर : भाटघर धरण परिसरातील दुर्गम भागात तरंगत्या दवाखान्याद्वारे नागरिकांना वैद्यकीय सेवा देण्यास आजपासून सुरुवात करण्यात येणार आहे. ही सेवा पाऊस काळात बंद असते. बुधवार व शुक्रवारी अशी आठवड्यातून दोन दिवस ही सेवा देण्यात येणार आहे.
आठवड्यातून दोन दिवस ही सेवा देण्यात येणार
भोर तालुक्यातील भाटघर धरण क्षेत्रामध्ये अतिदुर्गम परिसर आहे. राज्य सरकारच्या वतीने येथील नागरिकांना उपचारासाठी बाहेरगावी किंवा मोठ्या शहरांमध्ये जाणे शक्य होत नाही. भाटघर धरण परिसरात दुर्गम भागात तरंगत्या दवाखान्याद्वारे नागरिकांना वैद्यकीय सेवा उपलब्ध करून दिली आहे. (Bhor News) दरवर्षी ऑक्टोबर महिन्यातच ती सुरू होते. पाऊस काळात बंद असलेल्या लाँचची दुरुस्ती आता करण्यात आली असून, आता नागरिकांवर उपचार करण्यात येणार आहेत.
या सेवेचा लाभ चांदावणे, गुहिणी, खुलशी, भूतोडे, डेरे, भाइवली, मळे-सुतारवाडी, बुरूडमळा, नानावळे, सांगवी वेखो, वाघाची, गोपे, घुमवस्ती आणि कुंबळे या गावांना होणार आहे. या सेवेत वैद्यकीय पथकामध्ये लाँच ऑपरेटर यांच्यासह (Bhor News) डॉक्टर आणि नर्स, शिपाई उपस्थित राहणार आहेत, अशी माहिती प्रभारी तालुका वैद्यकीय अधिकारी डॉ. जयदीपकुमार कापसीकर यांनी दिली.
अधिक बातम्या वाचण्यासाठी येथे क्लिक करा :
Bhor News : खिलार गाईच्या दहाव्याला भजन-कीर्तन अन् गाव जेवणही..
