जीवन सोनवणे
Bhor News : भोर, (पुणे) : घरात कोणी नसल्याची संधी साधत अज्ञात चोरट्यांनी घरात प्रवेश करून सुमारे ४ लाख रुपयांच्या सोन्या-चांदीच्या दागिन्यांसह रोख रक्कम पळवून नेल्याची घटना गुरुवारी (ता. १२) मध्यरात्री घडली आहे. कासुर्डी (ता. भोर) ग्रामपंचायत हद्दीत हि घटना घडली आहे.
गुन्हा दाखल
बाळासाहेब दत्तात्रय सोळाकुरे वय -५० रा. सुविधा वृंदावन गृह निर्माण संस्था, कासुर्डी ता. भोर) यांनी भोर पोलीस ठाण्यात अज्ञात चोरट्यांच्या विरोधात फिर्याद दिली आहे. त्यानुसार चोरीचा गुन्हा दाखल करण्यात आला आहे.
पोलिसांनी दिलेल्या माहितीनुसार, राजगड पोलीस ठाण्याच्या हद्दीतील कासुर्डी येथे बाळासाहेब सोळाकुरे हे कुटुंबीयांसोबत राहतात. गुरुवारी सकाळी साडेदहा ते पहाटे साडेतीन वाजण्याच्या सुमारास फ्लॅटच्या सेप्टीडोअरला लावलेले कुलूप व आतील लाकडी दरवाज्यास लावलेले लॅच कोणीतरी अज्ञात चोरट्यांनी कश्यानेतरी उचकटुन तोडुन आत प्रवेश केला.
दरम्यान, यावेळी बेडरूमधील कपाट फोडुन कपाटातील सोन्या चांदीचे दागीने व रोख रक्कम असा एकुण ३ लाख ९० हजार २७५ रुपयांचा मुद्देमाल चोरून नेहला. तसेच त्याच वसाहतीतील आणखी तीन सदनिकांची घरफोडी करण्याचा प्रयत्न चोरट्यांनी केल्याची फिर्याद सोळाकुरे यांनी राजगड पोलीस ठाण्यात दिली आहे. तपास पोलीस उपनिरीक्षक जोशी करीत आहेत.
