सागर जगदाळे
भिगवण, (पुणे) : भिगवण येथील स्मशानभूमीमध्ये अंत्यविधीच्या वेळी येणाऱ्या नागरिकांना बसण्याची अडचण निर्माण झाली होती ही अडचण लक्षात घेऊन येथील ग्रामस्थांनी एकत्र येत निवारा शेडच्या कामाचे भूमिपूजन केले व कामास सुरुवात केली आहे.
लोकसहभागातून व लोकवर्गणीतुन सदरचे काम करण्यात येणार असून यासाठी ग्रामस्थांनी मदत करण्याचे आवाहन करण्यात आले आहे. त्याचबरोबर स्मशानभूमी नीटनेटकी व सुशोभित करण्याच्या कामाला सुरुवात करण्यात आली. प्रत्येकजण आपापल्या परीने या कामात सहभाग नोंदवित आहे. त्यातूनच स्मशानभूमी परिसराच्या स्वच्छतेबरोबरच इतर उपक्रम राबविले जाणार आहेत.
या भूमिपूजन प्रसंगी शेखर पवार, बापूराव थोरात, पराग जाधव, संजय देहाडे, सचिन बोगवत संजय रायसोनी,आण्णा धवडे, प्रा.तुषार क्षीरसागर,आप्पासाहेब गायकवाड,प्रदीप वाकसे,लहू घोलप, गुराप्पा पवार, जमीर शेख, अमर धवडे, राजेंद्र हगारे, आकाश उंडाळे, अमोल देवकाते, ऍड. सुरज खटके, सुरेश बिबे, अनिकेत भिसे, व ग्रामस्थ उपस्थित होते.
