Ambegaon News : लोणी धामणी : मंचर (ता. आंबेगाव) येथील शिवसेनेचे माजी जिल्हाप्रमुख, जिल्हा संघटक (उबाठा) अविनाश रहाणे यांचे रविवारी (ता. ८)आकस्मिक निधन झाले. मंचर शिवसेना शाखा प्रमुख, तालुका प्रमुख, आंबेगाव पंचायत समिती, शिवसेना जिल्हाप्रमुख, जिल्हा संघटक आदी महत्त्वाच्या पदांची जबाबदारी त्यांनी उत्तमरित्या सांभाळली होती. त्यांच्या अंत्यविधीप्रसंगी मोठा जनसमुदाय उपस्थित होता.
अंत्यविधीला हजारो शिवसैनिक, सर्वपक्षीय नेते उपस्थित
उत्तर पुणे जिल्ह्यातील गावोगावी शिवसेनेचा भगवा झेंडा पोहोचविण्याचे कार्य राहणे यांनी केले होते. हिंदुहृदयसम्राट बाळासाहेब ठाकरे परिवार, शिवसेना पक्षप्रमुख उद्धव बाळासाहेब ठाकरे यांच्याशी ते अखेरपर्यंत प्रामाणिक राहिले. निष्ठावंत कट्टर शिवसैनिक अशी त्यांची ओळख होती. (Ambegaon News) आकस्मिक निधन झाल्याने संपूर्ण आंबेगाव तालुका व पुणे जिल्ह्यावर शोककळा पसरली.
सामान्य माणसांसाठी अहोरात्र झटणारा, शिवसेना संघटना वाढीसाठी घरोघरी जाणारा, प्रत्येकाशी सौजन्याने वागणारा, अशी या नेत्याची ओळख होती. अंतिम यात्रेचा भगवे झेंडे लावलेला रथ मंचरच्या छत्रपती शिवाजी महाराज चौकात आला तेव्हा शिवसैनिक व उपस्थितांच्या भावनांचा बांध फुटला. (Ambegaon News) प्रत्येकाच्या डोळ्यांतून वाहणारे अश्रू अविनाश रहाणे यांनी किती माणसं जोडली याची साक्ष देत होते.
जनतेसाठी सदैव उपलब्ध असणारा आंबेगावचा लढवय्या नेता काळाच्या पडद्याआड गेला, अशी प्रतिक्रिया उपस्थितांमधून व्यक्त होत होती. (Ambegaon News) रहाणे यांच्या अंत्यविधीला हजारो शिवसैनिक, सर्वपक्षीय नेते, विविध क्षेत्रांतील मान्यवर, मित्रपरि, नातेवाईक मोठ्या संख्येने उपस्थित होते. मंचर शहरातील सर्व व्यवहार काही काळासाठी बंद ठेवण्यात आले होते.
अधिक बातम्या वाचण्यासाठी येथे क्लिक करा :
Ambegaon News : शिरदाळे येथे बटाटा उत्पन्नात निम्म्याने घट; नुकसानभरपाई देण्याची मागणी
Ambegaon News : वडगावपीर-मांदळेवाडी गावांसाठी दोन एसटी बस सुरु
