राजू देवडे
Ambegaon News : लोणी धामणी : मराठा समाजाचे लढवय्या नेते मनोज जरांगे पाटील यांच्या मराठा आरक्षणाच्या आवाहनाला प्रतिसाद देत धामणी, पहाडदरा, शिरदाळे (ता. आंबेगाव) येथील युवकांनी साखळी उपोषणाला सुरुवात केली आहे. या आंदोलनाला आंबेगाव तालुक्यातील विविध गावांमधून उत्स्फूर्त प्रतिसाद मिळत आहे.
आंबेगाव तालुक्यामधून उत्स्फूर्त प्रतिसाद
साखळी उपोषणाला बुधवारी (ता. २५) सकाळी सुरुवात झाली. या वेळी धामणी, पहाडदरा, शिरदाळे येथील नागरिक मोठ्या संख्येने उपस्थित होते. शनिवारपर्यंत (ता. २८) गावोगावी साखळी उपोषण करणार असून, तालुका स्तरावरील नेत्यांना गावबंदी केली आहे. (Ambegaon News) मराठा समाजासह इतर समाजातील बांधवांनी मराठा आरक्षणाच्या आंदोलनाला पाठिंबा दिला आहे. आम्ही सर्व मराठा आरक्षणाच्या आंदोलनासाठी पक्षीय मतभेद विसरून एकत्र आलो आहोत. तसेच गावातून मेणबत्ती मोर्चा काढणार असल्याचे धामणीचे माजी सरपंच सागर जाधव व शिरदाळे येथील माजी उपसरपंच मयूर सरडे यांनी सांगितले.
अधिक बातम्या वाचण्यासाठी येथे क्लिक करा :
Ambegaon News : धामणी ग्रामस्थांनी दिला ॲड. अविनाश रहाणे यांच्या स्मृतींना उजाळा
