Pune News : पुणे : ओला आणि उबेर कंपन्यांच्या मनमानी कारभाराविरोधात प्रादेशिक परिवहन कार्यालयासमोर (आरटीओ) बुधवारी रिक्षा व कॅब चालक-मालकांनी निदर्शने केली. ओला, उबेर कंपन्यांविरोधात रिक्षा आणि कॅब संघटनांनी अनेक तक्रारी केल्या आहेत. या कंपन्यांवर कारवाईची मागणीही सातत्याने होत आहे. त्यामुळे ओला आणि उबेर या कंपन्यांच्या प्रतिनिधींसोबत बैठक घेऊन कंपन्यांची बाजू जाणून घेणार आहे, अशी माहिती प्रभारी प्रादेशिक परिवहन अधिकारी संजीव भोर यांनी दिली.
ओला, उबेरची घेणार बैठक
महाराष्ट्र रिक्षा पंचायत, ऑटो टॅक्सी बस ट्रान्सपोर्ट फेडरेशन, ऑटो रिक्षा चालक-मालक संघटना संयुक्त कृती समिती महाराष्ट्र राज्य, पुणे रिक्षा फेडरेशन, ऑटो जनता गॅरेज फोरम या संघटनांच्या वतीने बाबा कांबळे यांच्या नेतृत्वाखाली ओला आणि उबेरविरोधात प्रादेशिक परिवहन कार्यालयासमोर (आरटीओ) बुधवारी आंदोलन करण्यात आले. या वेळी प्रादेशिक परिवहन अधिकाऱ्यांना मागण्यांचे निवेदन दिले. (Pune News) यावर प्रादेशिक परिवहन अधिकाऱ्यांनी ओला, उबेर या कंपन्यांसह रिक्षा व कॅब संघटनांची बैठक घेण्याची निर्णय घेतला आहे.
रिक्षाचालक-मालकांसाठी कल्याणकारी महामंडळ स्थापन करावे, मुक्त रिक्षा परवाना बंद करावा, इलेक्ट्रिक रिक्षांना परमिट सक्ती करावी अशा आमच्या प्रमुख मागण्या आहेत. (Pune News) ओला, उबेर या कंपन्यांकडून टॅक्सी व रिक्षा चालक-मालकांची आर्थिक फसवणूक सुरू असून, त्यांच्यावर कठोर कारवाई करावी. या कंपन्यांनी चारचाकी वाहनांचे दर वाढवावेत, अशीही मागणी आम्ही केली आहे, अशी माहिती बाबा कांबळे यांनी दिली.
अधिक बातम्या वाचण्यासाठी येथे क्लिक करा :
Pune News : हडपसरमध्ये उभारणार श्रीरामाचा पूर्णाकृती पुतळा; महापालिकेचा पुढाकार
Pune News : सिमेंटच्या ब्लॉकने वाहतूक पोलिसावर जीवघेणा हल्ला; लष्करी जवानाला अटक
Pune News : सणसवाडीतील संघर्ष यात्रेत रोहित पवारांचा महागाई, बेरोजगार, कंत्राटी भरतीवर हल्लाबोल
