Pune News : पुणे : वाहतूक पोलिसाने ट्रिपल सीट वाहन चालवणाऱ्या जवानास रोखून त्याला मेमो दिला. या घटनेमुळे राग अनावर झाल्याने जवानाने पोलिसावर जीवघेणा हल्ला केला. हल्ल्यानंतर पोलिसांची प्रकृती गंभीर असून, जवानाला अटक करण्यात आली आहे.
पोलिसाची प्रकृती चिंताजनक
पुण्यात वाहनांची संख्या मोठी असल्याने पोलीस सातत्याने वाहतूक नियमनाचे काम करत असतात. बेशिस्त चालकांवर कारवाईचा बडगा उभारला जातो. शहरातील वाहतूक पोलीस रमेश डावरे यांनी दीड महिन्यांपूर्वी ट्रिपल सीट प्रवास करणाऱ्या जवानाला रोखले होते. जोधपूर येथील लष्करी तळावर कार्यरत असलेला जवान वैभव संभाजी मनगुटे दूचाकी चालवत होता. (Pune News) वाहतूक पोलीस रमेश डावरे यांनी त्या तिघांना थांबवूनन मेमो दिला. याचा राग अनावर झाल्याने वैभव मनगुटे यांनी वाहतूक पोलीस डावरे यांच्या डोक्यात सिमेंटच्या ब्लॉकने गंभीर मारहाण केली. या मारहाणीत रमेश डावरे गंभीर जखमी झाले. त्यांना तातडीने खासगी रुग्णालयात दाखल करण्यात आले. वैभव मनगुटे सुटीवर गावी आले होते. वैभव हे छत्रपती संभाजीनगरमधील सिल्लोड तालुक्यातील रहिवाशी आहेत.
दरम्यान, दीड महिन्यांपूर्वी ही घटना घडली होती. सध्या फरासखाना पोलीस स्टेशन अंतर्गत कार्यरत असलेल्या रमेश डावरे यांची प्रकृती चिंताजनक आहे. (Pune News) त्यांना आयसीयुमध्ये दाखल करण्यात आले आहे. या प्रकरणात वैभव मनगुटे यांना बुधवारी (ता. २५) अटक करण्यात आली. त्यांच्यावर पोलिसांना मारहाण केल्याप्रकरणी गुन्हा दाखल करण्यात आला आहे.
अधिक बातम्या वाचण्यासाठी येथे क्लिक करा :
Pune News : सणसवाडीतील संघर्ष यात्रेत रोहित पवारांचा महागाई, बेरोजगार, कंत्राटी भरतीवर हल्लाबोल
Pune News : महाराष्ट्राने एक गोड आवाजाचा नादब्रह्म कायमचा गमावला : ह.भ.प. पंकज महाराज गावडे
Pune News : हडपसरमध्ये धारदार शस्त्रांनी २२ वाहनांची तोडफोड; तिघांना अटक
