Ajit Pawar News : पुणे : राष्ट्रवादी ग्रामीण कार्यकारीणीची बैठक आयोजित करण्यात आली होती. या बैठकीत बोलताना अजित पवार यांनी कार्यकर्त्यांना चांगलाच दम भरला आहे. मुळशीच्या लोकांनी भांडायचं नाही, यापुढे एकत्र काम करायचं. नाहीतर कानाखालीच आवाज काढीन असं अजित पवार यांनी म्हटलं आहे.
भांडखोर कार्यकर्त्यांना अजित पवार यांनी दिली तंबी
१० जून रोजी राष्ट्रवादीचा वर्धापन दिन आहे. हा वर्धापन दिन अहमदनगरला साजरा होणार आहे. या कार्यक्रमाच्या तयारीचा आढावा आणि नियोजनासाठी पुणे ग्रामीणची आढावा बैठक आज बोलावण्यात आली होती. (Ajit Pawar News) या बैठकीत बोलताना अजित पवारांनी कार्यकर्त्यांना चांगलाच दम भरला.
२४ मे रोजी एका लग्न समारंभात राष्ट्रवादीचे पदाधिकारी बाबा कंधारे आणि सुनील चांदोरे यांच्यामध्ये वाद झाला होता. यावेळी बाबा कंधारे यांनी सुनील चांदोरे यांच्या दोन कानाखाली वाजवल्या होत्या. (Ajit Pawar News) आपल्या भांडखोर कार्यकर्त्यांना आजच्या बैठकीमध्ये अजित पवार यांनी चांगलीच तंबी दिली. मुळशीच्या लोकांनी भांडायचं नाही, यापुढे एकत्र काम करायचं. नाहीतर कानाखालीच आवाज काढीन असं अजित पवार यांनी म्हटलं आहे.
अजित पवारांच्या या वक्तव्यानंतर कार्यकर्त्यांकडून प्रतिक्रिया देखील देण्यात आली आहे. अजित पवारांनी ज्या मुळशी तालुक्यातील पदाधिकाऱ्यांना जाहिरणे दम भरला त्या सर्व कार्यकर्त्यांना आम्ही बोलतं केलं. आम्ही यापुढे अशी चूक होऊ देणार नाही, अजित दादांचं हे आमच्यावरील एकप्रकारचं प्रेमच आहे. (Ajit Pawar News) अजितदादांची ही सूचना आम्ही सकारात्मक पद्धतीनेच घेत असल्याचं कार्यकर्त्यांनी म्हटलं आहे.
अधिक बातम्या वाचण्यासाठी येथे क्लिक करा :
Ajit Pawar News : निवडणुकांमध्ये बटन दाबताना महागाई लक्षात ठेवा : अजित पवार
