Pune Ahamdnagar Highway Accident : सणसवाडी / अमोल दरेकर : शिरूर तालुक्यातील वाडा पुनर्वसन फाटा येथे पुणे-नगर महामार्गावर एसटी बस व दुचाकी यांचा भीषण अपघात झाला. यामध्ये दुचाकीवरील एकजण ठार झाला तर एकजण जखमी झाल्याची माहिती मिळत आहे.
मल्हारी साधू वाडेकर (रा.कोरेगाव भिमा, मुळगाव जाजनुर, ता.निलंगा, जि.लातूर) या व्यक्तीचा मृत्यू झाला. हा अपघात इतका भीषण होता की, दुचाकी एसटीच्या चाकाखाली आली तर एसटी बस रस्ता दुभाजकावर शिरली. यात एसटीचा पुढील भाग तुटला असून, जखमींना पुढील उपचारासाठी तातडीने रुग्णालयात दाखल करण्यात आले.
वाडा पुनर्वसन फाटा येथील चौकात भीषण अपघात झाला. राज्य परिवहन मंडळाची (एमएच ०९ ईएम ९६५२) तर दुचाकी क्रमांक (एमएच १२ टीएफ ३३४०) या दुचाकीवरील एकजण ठार झाला तर एकजण जखमी झाला. यामध्ये एसटी बसचा चालक व वाहक जखमी झाले. एसटी बस रस्ता दुभाजकावर गेली. यामुळे मोठा आवाज झाला.
वाडा पुनर्वसन फाटा बनतोय मृत्यूचा स्पॉट
वाडा पुनर्वसन फाटा हा मृत्यूचा स्पॉट होत आहे. या ठिकाणी अपघात होऊन मोठ्या प्रमाणात जीव जात आहेत. येथे मोठा हायमास्टचा दिवा बसवण्याची मागणी सातत्याने होत आहे. पण बांधकाम विभाग व इतर शासकीय विभाग सातत्याने दुर्लक्ष करत आहे. त्यांच्या दुर्लक्ष करण्याने आणखी अपघात होऊन नागरिकांचे जीव जाण्याची वाट पाहत आहे काय? असा उद्विग्न प्रश्न निर्माण होत आहे. त्यामुळे येथे तातडीने मोठा हायमास्ट दिवा बसवण्याची मागणी होत आहे.
