उरुळी कांचन, (पुणे) : पुणे – सोलापूर महामार्गावरील कोरेगाव मूळ (ता. हवेली) ग्रामपंचायत हद्दीतील इनामदार वस्ती येथे दुचाकीचालक हा रस्त्याच्या मधोमध दुचाकीवरून घसरून पडल्याची घटना घडली आहे. शुक्रवारी (ता. 26) दुपारी बारा वाजण्याच्या सुमारास ही घटना घडली. या घटनेत दुचाकीचालकाच्या डोक्याला, हाताला गंभीर दुखापत झाली आहे.
सदर अपघातग्रस्त तरुणाला नागरिकांच्या मदतीने रस्त्याच्या बाजूला करण्यात आले, असून रुग्णवाहिकेच्या मदतीने उरुळी कांचन येथील एका खाजगी रुग्णालयात दाखल करण्यात आले आहे. नेमका हा अपघात कसा झाला याची माहिती अद्याप मिळू शकली नसून यावेळी पुण्याकडे जाणाऱ्या बाजूला वाहतूककोंडी मोठ्या प्रमाणात झाली होती.
View this post on Instagram
