राहुलकुमार अवचट
Accident News : यवत, (पुणे) : पुणे – सोलापूर महामार्गावर ऑईल टँकर व ट्रक यांच्यात झालेल्या अपघातात ट्रक चालक जागेवरच ठार तर त्याचा साथीदार गंभीर जखमी झाल्याची घटना घडली आहे. जावजीबुवाचीवाडी (ता. दौंड) ग्रामपंचायत हद्दीत मंगळवारी (ता. ०४) पहाटे तीन वाजण्याच्या सुमारास हा अपघात झाला आहे. (Accident News)
ट्रक चालक वसंत सहदेव चव्हाण (वय ३४ वर्षे रा. तांडा ता. बसव कल्याण जि. बिदर राज्य कर्नाटक) असे अपघातात मृत्यू झालेल्या ट्रकचालकाचे नाव आहे. तर वसंत प्रभु चव्हाण (वय – ३६ रा.तांडा ता. बसव कल्याण जि. बिदर राज्य कर्नाटक) असे अपघातात जखमी झालेल्या व्यक्तीचे नाव आहे. याप्रकरणी सावता यशवंत गायकवाड यांनी यवत पोलीस ठाण्यात माहिती दिली आहे. Accident News
पोलिसांनी दिलेल्या माहितीनुसार, पुणे सोलापूर राष्ट्रीय महामार्गावरून ट्रक हा सोलापूरच्या बाजूने रात्री निघाला होता. जावजीबुवाचीवाडी ग्रामपंचायत हद्दीतील हॉटेल संजीवनी जवळ आला असता ऑईल टँकरने ट्रकला पाठीमागुन जोरदार धडक दिली.
या धडकेत ट्रकचालक चव्हाण यांचे ट्रकवरील ताबा सुटला व ट्रक पलटी झाली. यामध्ये चव्हाण यांना मोठ्या प्रमाणावर मार लागल्याने त्यांचा जागेवरच मृत्यू झाला तर त्यांचा साथीदार वसंत चव्हाण हे गंभीर जखमी झाले असून त्यांच्यावर उपचार सुरु आहेत. पुढील तपास यवत पोलीस स्टेशनचे पोलीस निरीक्षक हेमंत शेडगे यांच्या मार्गदर्शनाखाली सहाय्यक फौजदार बंडगर हे करीत आहेत. (Accident News)
