पुणे : पुण्यातील प्रसिद्ध हॉटेलमध्ये चोरी झाल्याची घटना घडली आहे. हांडेवाडी रस्त्यावर असलेल्या हॉटेल शौर्य वाडा या हॉटेलच्या शटरचे लॉक तोडून तब्बल सव्वा लाख रुपयांची चोरी करण्यात आली. ही घटना रविवारी मध्यरात्री साडेबारा ते सकाळी दहा वाजण्याच्या सुमारास घडली. याप्रकरणी लोणी काळभोर पोलीस ठाण्यात गुन्हा दाखल करण्यात आला आहे. (Pune Crime News)
मिळालेल्या अधिक माहितीनुसार, राजेंद्र बाबू पेटकर (वय ४६, रा. पाटील प्लाझा बिल्डिंग, भेकराईनगर) यांनी फिर्याद दिली आहे. पेठकर यांचे हांडेवाडी येथे हॉटेल शौर्यवाडा नावाचे हॉटेल आहे. हॉटेलच्या पाठीमागील बाजूला असलेले शटरचे लॉक तोडून चोरट्यांनी हॉटेलमध्ये प्रवेश केला. काउंटरमध्ये ठेवलेली रोकड आणि आठ टॅब असा एकूण एक लाख १३ हजार ३९० रुपयांचा मुद्देमाल घरफोडी करून चोरून नेण्यात आला आहे.(Loni Kalbhor Police)
