पुणे: हडपसर-महंमदवाडीतील दहावीतील विद्यार्थिनीने गळफास घेऊन आत्महत्या केली. दोन दिवसांवर पूर्वपरीक्षा येऊन ठेपली असताना विद्यार्थिनीने आत्महत्या केल्याचा प्रकार उघडकीस आला. रेहा प्रशांत वर्गीस असे आत्महत्या केलेल्या विद्यार्थिनीचे नाव आहे. याप्रकरणी काळेपडळ पोलीस ठाण्यात आकस्मात मृत्यू अशी नोंद करण्यात आली आहे.
पोलिसांनी सांगितले की, रेहा दहावीत होती. दोन दिवसांनंतर पूर्वपरीक्षा सुरू होणार होती. शुक्रवारी सायंकाळी घरात कोणी नव्हते. सायंकाळी साडेसातच्या सुमारास तिने राहत्या घरात पंख्याला गळफास घेऊन आत्महत्या केली. रेहाने आत्महत्या केल्याची घटना उघडकीस आल्यानंतर तिला तातडीने रुग्णालयात दाखल करण्यात आले. उपचारांपूर्वीच तिचा मृत्यू झाल्याचे डॉक्टरांनी सांगितले. डॉक्टरांनी याबाबतची माहिती पोलिसांना दिली. पोलिसांनी पालकांकडे चौकशी केली. दोन दिवसांनंतर दहावीची पूर्वपरीक्षा सुरू होणार होती. अभ्यासाच्या ताणामुळे तिने आत्महत्या केल्याची माहिती पोलिसांना मिळाली.
