पुणे : सुसखिंड येथील अनोळखी मृतदेहाच्या खुनाचा छडा अवघ्या सहा तासात लावण्यास गुन्हे शाखेच्या युनिट क्रमांक ४ च्या पोलिसांना यश आले आहे. पोलिसांनी साडूसह दोघांना आरोपीना अटक केली आहे.
संदिप शंकर शिंपी असे खून झालेल्या इसमाचे नाव आहे. तर सतीश रामभाऊ गिऱ्हे, रा. सचिन पाडळे चाळ, शितलादेवी मंदिराजवळ, म्हाळुंगे, पुणे २) दिपक विठ्ठल कोळेकर, रा. पॅनकार्ड क्लब रोड, चाकणकर चाळ, बाणेर पुणे) असे अटक करण्यात आलेल्या आरोपींची नावे आहेत.
पोलिसांनी दिलेल्या माहितीनुसार, चतुःश्रृंगी पोलीस ठाण्याच्या हद्दीत सुस खिंड येथे निर्जन स्थळी एका अनोळखी इसमाचा अज्ञात आरोपींनी डोक्यात दगड घालुन खुन केल्याची माहिती पोलिसांना गुरुवारी (ता.२९) पहाटे प्राप्त पोलिसांना झाली. सदर खुनाचे गांभीर्य लक्षात घेऊन पोलीस उपायुक्त अमोल झेंडे यांनी घटनास्थळी भेट देऊन सदरचा गुन्हा तात्काळ उघडकीस आणुन आरोपींना अटक करण्याच्या सूचना पोलिसांना दिल्या होत्या.
सदर सुचनाच्या अनुषंगाने गुन्हे शाखा युनिट ४ चे पोलीस निरीक्षक गणेश माने यांनी युनिट ४ कडील तपास पथक तयार करून मयताची ओळख पटवुन, आरोपींना निष्पन्न करुन गुन्हा उघडकीस आणण्याच्या दृष्टीने मार्गदर्शन व सुचना देऊन तपास पथक रवाना केले.
मयताचे डोक्यात दगड घातल्याने त्याचा चेहरा ओळखीस येत नव्हता. तसेच त्याची ओळख पटविण्यासाठी कोणतीही योग्य कागदपत्रे अथवा इतर ठोस माहिती उपलब्ध नव्हती. तरीदेखील युनिट ४ कडील अधिकारी व अंमलदार यांनी बाणेर परिसरात मयताची माहिती घेण्याकरीता परिसर पिंजून काढला.
दरम्यान,पोलीस उपनिरीक्षक जयदीप पाटील व पोलीस अंमलदार अजय गायकवाड हे मयताची माहिती घेत असताना त्यांना एका इसमाकडुन मयताची अचुक माहिती मिळाली. सदर मयताचे नाव संदिप शंकर शिंपी असे समजले, त्यांनतर तपास पथकातील इतर अधिकारी व अंमलदार यांनी गोपनीय व सखोल चौकशीद्वारे संदिप शिंपी यांना बुधवारी (ता.२८) दोन इसमांनी बुलेट मोटार सायकलवर बसवुन नेताना पाहिल्याची माहिती मिळवली.
सदर माहितीच्या आधारे म्हाळुंगे येथुन दोन संशयित इसमांना ताब्यात घेऊन अधिक चौकशी केली असता आरोपींनी संदिप शिंपी याचा डोक्यात दगड घालुन खुन केल्याची कबुली पोलिसांना दिली. संदिप शिंपी हा त्याच्या बायकोला दारु पिऊन सतत मारहाण, शिवीगाळ करीत असे. तसेच त्याच्या बायकोचा भाऊ (मेहुणा) आरोपी सतीश गिऱ्हे यांना व त्याच्या घरच्यांना दारुच्या नशेत शिवीगाळ दमदाटी करीत असे. या कारणामुळे वैतागुन संदिप शिंपी याला निर्जन स्थळी नेऊन खुन केल्याची कबुली आरोपींनी दिली. आरोपी दिपक कोळकर हा आरोपी सतीश गिऱ्हे याचा साडु भाऊ असल्याचे चौकशीत समजले आहे.
सदरची उल्लेखनिय कामगीरी पोलीस आयुक्त रितेश कुमार, पोलीस सहआयुक्त संदीप कर्णीक, अपर पोलीस आयुक्त गुन्हे रामनाथ पोकळे, पोलीस उपआयुक्त अमोल झेडे, सहायक पोलीस आयुक्त नारायण शिरगावकर यांच्या मार्गदर्शनाखाली पोलीस निरीक्षक गणेश, माने सहायक पोलीस निरीक्षक विकास जाधव, पोलीस उप निरीक्षक जयदीप पाटील, पोलीस अंगलदार अजय गायकवाड, हरिष मोरे, सारस साळवी यांच्या पथकाने केली आहे.
