Pachagani News : पाचगणी : सातारा जिल्हा सहकार बोर्डाच्या अध्यक्षपदी महादेव दुधाणे यांची बिनविरोध निवड करण्यात आली. महादेव दुधाणे हे खिंगर विकास सेवा सोसायटीचे चेअरमनपदी कार्यरत आहेत. या निवडीबद्दल दुधाणे यांना पाचगणी व परिसरातील विविध संस्थांच्या पदाधिकाऱ्यांच्या वतीने सत्कार करण्यात आला.(Pachagani News)
महादेव दुधाणे यांची बिनविरोध निवड करण्यात आली.
सातारा बोर्डाच्या सहकार कार्यालयात चेअरमन व व्हा. चेअरमन निवडीसाठी विशेष सभा बोलावण्यात आली होती. यावेळी कार्यालयातील सर्व पदाधिकारी उपस्थित होते. जिल्हा बँकेचे संचालक राजेंद्र राजपुरे यांच्या हस्ते शाल श्रीफळ व पुष्पगुच्छ देऊन महादेव दुधाणे यांचा सत्कार करण्यात आला.(Pachagani News)
या निवडीबद्दल त्यांचे रामराजे निंबाळकर, आमदार बाळासाहेब पाटील, आमदार शिवेंद्रसिंहराजे भोसले, आमदार मकरंद (आबा) पाटील, माजी आमदार प्रभाकर घार्गे, अनिल देसाई, जिल्हा बँकेचे संचालक राजेंद्रशेठ राजपुरे, प्रविण भिलारे, बाजार समितीचे संचालक गुलाब गोळे, विविध क्षेत्रातील मान्यवरांनी त्यांचे अभिनंदन केले.(Pachagani News)
निवडीनंतर नवनिर्वाचित अध्यक्ष यांचे पाचगणी व परिसरातील विविध संस्थांचे पदाधिकारी यांच्या वतीने पाचगणी शहरात भव्य स्वागत करण्यात आले. यावेळी आंबेडकर उद्यानातील डॉ. बाबासाहेब आंबेडकर यांच्या पुतळ्यास पुष्पहार अर्पण करून छत्रपती शिवाजी महाराज चौकातील छत्रपती शिवाजी महाराज यांच्या पुतळ्यास पुष्पहार अर्पण करण्यात आला. यावेळी गुलालाची उधळण व फटाक्यांची आतिषबाजी करण्यात आली. यावेळी महाबळेश्वर तालुक्यातील सर्व संस्थाचे पदाधिकारी मोठ्या संख्येने उपस्थित होते.(Pachagani News)
सहकारी संस्थांच्या फायद्याच्या विविध योजना राबविणार
निवडीनंतर महादेव दुधाणे म्हणाले की, ‘सहकार बोर्डाच्या माध्यमातून सहकारी संस्थांच्या फायद्याच्या विविध योजना राबविणार असून, त्याचा सहकारी संस्थांना फायदा होईल. सहकारी संस्थांना लाभ मिळाला तर त्याचा परिणाम खातेधारक व नागरिकांसाठी अंमलात आणल्या जाणाऱ्या योजनांमधून दिसून येईल’.(Pachagani News)
