शेरखान शेख
Shirur News : रांजणगाव गणपती, (पुणे) : मुखई तंटामुक्त गाव समितीच्या अध्यक्षपदी तुषार सूर्याजी शुक्रे तर उपाध्यक्ष पदी सुहास संभाजी मोरे यांची बिनविरोध निवड करण्यात आली आहे.
नूतन पदाधिकाऱ्यांचा ग्रामस्थांच्या वतीने सन्मान
मुखई ( ता. शिरुर ) येथील महात्मा गांधी तंटामुक्त गाव समितीचे अध्यक्ष राजेंद्र पलांडे व उपाध्यक्ष गणेश निलख यांनी पदाचा राजीनामा दिल्याने सदर पदे रिक्त होती. रिक्त झालेल्या पदांसाठी सरपंच संयोगिता पलांडे यांच्या अध्यक्षतेखाली नुकतीच बैठक घेण्यात आली. यावेळी या बैठकीत तंटामुक्त गाव समितीच्या अध्यक्षपदी तुषार सूर्याजी शुक्रे व उपाध्यक्षपदी सुहास संभाजी मोरे यांची सर्वानुमते बिनविरोध निवड करण्यात आली. निवडीनंतर नूतन पदाधिकाऱ्यांचा ग्रामस्थांच्या वतीने सन्मान करण्यात आला.
यावेळी माजी सरपंच सुरेश पलांडे, अतुल धुमाळ, माजी उपसरपंच संजय पलांडे, पोलीस पाटील कविता धुमाळ, रमेश पलांडे, सचिन पलांडे, तानाजी पलांडे, सोसायटीचे चेअरमन नितीन थोरवे, विजयराव येवले, माऊली पलांडे, तंटामुक्ती समितीचे माजी अध्यक्ष राजेंद्र पलांडे, दादासाहेब धुमाळ, उपाध्यक्ष गणेश निलख यांसह आदी ग्रामस्थ उपस्थित होते.
दरम्यान, यावेळी झालेल्या बैठकीत दरम्यान मुखईच्या पोलीस पाटील कविता धुमाळ यांनी तंटामुक्ती समितीच्या कामकाजाविषयी मार्गदर्शन केले. तर माऊली पलांडे यांनी सर्वांचे आभार मानले.
