(Politics News) मुंबई : शिवसेनेचे (शिदे गट) आमदार संजय शिरसाट यांची ठाकरे गटाच्या उपनेत्या सुषमा अंधारे यांच्या टीका करताना जीभ घसरली होती. त्यांनी केलेल्या बेताल वक्तव्यावर अंधारे यांच्या प्रतिक्रियेकडे लक्ष लागून राहिले होते. अखेर अंधारे या चांगल्याच संतापल्या आहेत. त्यांनी शिरसाटांचा चांगलाच समाचार घेतला आहे. सुषमा अंधारे यांनी फेसबुक पोस्टच्या माध्यमातून जशास तसे प्रत्युत्तर दिले होते. त्यानंतर हे प्रकरण शांत होईल, असे वाटले होते. मात्र अंधारे या संतापलेल्याच आहेत.
शिरसाट यांच्या वक्ततव्याचा समाचार घेत आता त्यांच्यावर अब्रू नुकसानीचा दावा ठोकणार असल्याचे समोर आले आहे. सुषमा अंधारे महाप्रबोधन यात्रेतून शिंदे गटावर हल्लाबोल करत असतात. या दरम्यान राज्यभरात स्थानिक पोलीस स्टेशनला उद्धव ठाकरे गटाकडून शिरसाठ यांच्या विरोधात तक्रार दाखल केली जात आहे, मात्र पोलिसांकडून तक्रार घेतली जात नाही आहे. त्यामुळे सुषमा अंधारेंनी आता राज्य महिला आयोगाला पत्र लिहून शिरसाठ यांच्या विरोधात गुन्हा दाखल करावा, असे निर्देश द्यावे अशी मागणी केली आहे. सुषमा अंधारे आक्रमक झाल्या असून गुन्हा दाखल होत नाही तोपर्यंत शांत बसणार नाही अशी भूमिका त्यांनी घेतली आहे.
शिरसाट यांनी केली होती खालच्या भाषेत टीका…!
ती बाई सर्वांना म्हणते माझे भाऊ आहेत. काय काय लफडे केले तिने काय माहीत, असे धक्कादायक वक्तव्य शिरसाट यांनी केले होते. अंबादास दानवे यांनी मला फोन केला होता. म्हणाले, ती बाई डोक्याच्यावर झाली आहे, असा गौप्यस्फोटही शिरसाट यांनी केला. कोणीही आजकाल सोशल मीडियावर कॉमेट करतं. आम्हाला गद्दार… गद्दार म्हणतंय… अरे घरात बघ काय चाललंय. मग आमच्यावर टीका कर, असेही ते बोलले होते.
