अजित जगताप
सातारा : जावळी तालुक्यातील जागरूक गाव भणंग ग्रामपंचायतीत भाजप आमदार शिवेंद्रसिहराजे भोसलेंचे समर्थक माजी जिल्हा परिषद सदस्य मच्छिंद्र क्षीरसागर यांच्या पाडळेश्वर पॅनेलला मतदारांनी नाकारले. थेट सरपंच पद व अपक्षांच्या गळ्यात मतदारांनी विजयाची माळ घातली आहे. पॅनेलचा फक्त एक उमेदवार निवडून आला आहे.
ग्रामपंचायतीच्या निवडणुकीसाठी पॅनलकडून सात उमेदवार उभे केले होते. यापैकी सहा उमेदवारांचा अपक्षांनी पराभव करून भणंगमध्ये इतिहास घडवला आहे. थेट सरपंच पदासाठी अपक्ष गणेश साईबाबा जगताप यांनी मच्छिंद्र क्षीरसागर यांच्या अधिकृत पॅनेलच्या सुहास जाधव यांचा पराभव केला.
प्रभाग १ मध्ये संगीता सत्यवान जाधव – अपक्ष (२०३), प्रभाग २ मध्ये पाडळेश्वर पॅनेलचे विकास रमेश देशमुख (१८२), श्रीमती रंजना नारायण जाधव अपक्ष (२३२), सौ. मथुरा नारायण जाधव अपक्ष (२५१) यांनी विजय मिळवला. प्रभाग ३ मध्ये सचिन भोसले (१३९), श्रीमती हाफीजा जमाल (१५४) यांनी विजय मिळवला. निवडून आलेल्या सरपंचासह सर्वच अपक्ष आमचेच आहेत असा दावा राजकीय पक्ष करू लागले आहेत.
या निवडणुकीत अपक्षांनी राजकीय पक्षांच्या नेत्यांना चांगलाच धडा शिकवला आहे. यापुढे अपक्षांना गाव कारभारात महत्त्व प्राप्त झाले असून मतदारांचे विजयी उमेदवारांनी आभार मानले आहेत.
फोटो- भणंग येथे जल्लोष करताना विजयी उमेदवारांना सोबत कार्यकर्ते (छाया-अजित जगताप,सातारा)
निवडून आलेले अपक्ष आमच्या विचाराचे असल्याचा दावा भाजप व राष्ट्रवादीकडून करण्यात येत आहे. सर्व नवनर्वाचित सरपंच व सदस्य याबाबत काय भुमिका घेतात, याकडे तालुक्याचे लक्ष लागले आहे.
