सुरेश घाडगे
परंडा : बिलकीस बानो यांच्यावर केलेलेल्या अत्याचार प्रकरणातील ११ आरोपीची सुटका गुजरात सरकारने
केली. या निषेधार्थ राष्ट्रवादी महिला काँग्रेसच्या विभागीय अध्यक्ष वैशाली मोटे यांच्या मागदर्शनाखाली परंडा तालुका राष्ट्रवादी महिला काँग्रेस पार्टीच्या वतीने शनिवार (दि.२७ )तहसीलदार यांचे मार्फत राष्ट्रपती यांना निवेदन देऊन त्या आरोपीना अटक करण्यात यावी, अशी मागणी करण्यात आली आहे.
निवेदनात म्हटले आहे. सन २००२ मध्ये गुजरातमध्ये जो नरसंहार झाला त्यामध्ये बिलकीस बानो या एका पीडित महिलेवर अन्याय झाला. तिच्यावर अकरा नराधमांनी सामूहिक अत्याचार केला. तिच्या तीन वर्षाच्या चिमुकल्या मुलीचा खुन करून कुटुंब संपवले. परंतु हिंमत न हारता प्रदीर्घ न्यायालयीन लढा दिला. मुंबईमध्ये विशेष सी. बी. आय. न्यायालय, मुंबई उच्च न्यायालय आणि सर्वोच्च न्यायालयाने त्या ११ आरोपीना जन्मठेपेची शिक्षा सुनावली. न्याय मिळाला असे वाटले होते.
देशाच्या अमृत महोत्सवा निमित्त प्रधानमंत्री यांनी लाल किल्ल्यावरून केलेल्या भाषणात महिलांच्या सन्मानाच्या घोषणा दिल्या. परंतू त्या सायंकाळ पर्यंत हवेतच विरघळून गेल्या. गुजरात सरकारने बिलकस प्रकरणातील ११ आरोपीची सुटका केली. हे कृत्य केवळ असंविधानिकच नाही तर मानवतेला काळीमा फासणारी असून न्यायिक व्यवस्थेच्या चिंधड्या उडवणारी आहे. याची राष्ट्रपती यांनी दखल घेऊन पीडित महिलेस न्याय मिळवून द्यावा.
यावेळी राष्ट्रवादी महिला काँग्रेस पार्टीच्या तालुकाध्यक्षा स्वाती गायकवाड, उपाध्यक्षा दैवशाला खैरे, यशस्वीनी अभियानच्या तालुका समन्वयक राखी देशमुख, माजी नगरसेविका रत्नमाला बनसोडे, रंजना माने, रूपाली लोखंडे, मिनाक्षी काळे, राष्ट्रवादीचे जिल्हा उपाध्यक्ष तथा मजुर फेडरेशन संचालक धनंजय हांडे,राष्ट्रवादी सामाजीक विभागाचे जिल्हाध्यक्ष राहूल बासोडे, शहराध्यक्ष वाजीद दखनी, युवक अध्यक्ष जावेद मुजावर, हनुमंत गायकवाड, बाबुराव काळे, घनःश्याम शिंदे, अमोल जगताप, शेरू शेख, समीर मदारी, अविनाश आटोळे, श्रीहरी नाईकवाडी, नंदु शिंदे, रंगनाथ ओव्हाळ, दिपक ओव्हाळ, बिभीषण खुणे, हुसेन शेख, सलीम हन्नुरे, अजहर शेख, जुबेर पठाण, शरीफ शेख, समीर काझी, पप्पू शेख, अफ्रेर शेख, शफीक इनामदार, शाबुद्दीन सय्यद, जुबेर दखनी, मेहबुब काझी, अस्तम मदारी आदी उपस्थित होते.
