बंगळूर : महाराष्ट्र कर्नाटक वाद सातत्याने चिघळताना दिसून येत आहे. कर्नाटकचे मुख्यमंत्री बसवराज बोम्मई यांनी कर्नाटच्या सुरु असलेल्या विधिमंडळ अधिवेशनात महाराष्ट्राला इंचभर देखील जमीन देणार नसल्याचे पुन्हा एकदा ठणकावून सांगितले. तसेच याबाबतचा ठराव देखील मांडण्यात येणार असल्याची माहिती बोम्मई यांनी यावेळी दिली.
कर्नाटकचे मुख्यमंत्री बसवराज बोम्मई यांनी मंगळवारी विधानसभेत सीमावादावर झालेल्या चर्चेदरम्यान स्वत: राज्य विधिमंडळाच्या दोन्ही सभागृहात एकमताने ठराव पास करण्याची सूचना करताना सीमावादावरील आपल्या भूमिकेचा यावेळी त्यांनी पुनरुच्चार केला.
कर्नाटक विधानसभेची दोन्ही सभागृहं महाराष्ट्रासोबतच्या सीमावादावर ठराव संमत करणार आहेत. यासंदर्भात कर्नाटकच्या मुख्यमंत्र्यांनी म्हटलंय की, जर सर्वांनी सहमती दर्शविली तर आम्ही सीमाप्रश्नावरील चर्चेवर सरकारला उत्तर देताना विधिमंडळाच्या दोन्ही सभागृहात राज्याच्या भूमिका स्पष्ट करणारा ठराव मंजूर करण्याचे संकेत बोम्मई यांच्यावतीने देण्यात आले आहेत.
