नाशिक : नाशिक पदवीधर शिक्षक निवडणुकीत महाविकास आघाडीने पाठिंबा दिलेल्या उमेदवार शुभांगी पाटील या अचानक नॉटरिचेबल झाल्या आहेत. यामुळे राजकीय वर्तुळात खळबळ माजली असून आता एक ट्विस्ट निर्माण झाला आहे.
सत्यजित तांबे यांनी महाविकास आघाडीतून बंड करून बाहेर निघाले होते. त्यानंतर शुभांगी पाटील यांनी सत्यजित तांबेविरुद्ध हल्लाबोल करीत राजा का बेटा राजा नही होगा असे म्हणाल्या होत्या.
शुभांगी पाटील या दोन दिवसांपूर्वीच मतोश्रीवर जाऊन ठाकरेंची भेट घेतली होती. या भेटीत त्यांच्या पाठिंब्यावर शिक्कामोर्तब झाले आहेत. मात्र आता शुभांगी पाटील यांच्याशी कसलाही संपर्क होत नाही, तसेच त्यांचे दोनही नंबर बंद लागत असल्याने आता नवा ट्विस्ट निर्माण झाला आहे.
दरम्यान, पदवीधर निवडणुकीसाठी आज अर्ज माघार घेण्याची शेवटची तारीख आहे. त्यामुळे आता मोठी चुरस निर्माण झाली आहे. भाजपचे संकट मोचक म्हणून ओळखले जाणारे गिरीजन महाजनही नाशिकमध्ये तळ ठोकून आहेत, त्यामुळे ही भाजपचीच मोठी खेळी असल्याचेही बोलले जात आहे. अशा विविध प्रकारच्या चर्चा राजकीय वर्तुळात रंगल्या आहेत.
