Mumbai News : फडणवीस आणि शिंदे यांची तुलनाच होऊ शकत नाही… बच्चू कडू यांनी फटकारले! भाजपला दिली ‘त्या’ घटनेची आठवण!

Mumbai News  : मुंबई : देवेंद्र फडणवीस आणि एकनाथ शिंदे यांची तुलना कधीच होऊ शकत नाही. पंतप्रधान नरेंद्र मोदी आणि अमित शाह यांची तुलना कधीच होऊ शकत नाही. अजित पवार आणि शरद पवार यांची तुलना कधीच होऊ शकत नाही. प्रभू रामचंद्र आणि रावणाची तुलना होऊ शकत नाही, बाबासाहेब आंबेडकर आणि छत्रपती शिवाजी महाराज यांची तुलना कधीच होऊ शकत नाही, कारण प्रत्येकाचा स्वतःचा वेगळा विषय आहे. प्रत्येकाची प्रतिष्ठा वेगळी आहे, असं म्हणत बच्चू कडू यांनी भाजप आणि भाजपचे खासदार अनिल बोंडे यांना मुख्यमंत्री एकनाथ शिंदे यांच्या बंडाची आठवण करून दिली आहे.

मुंबईच्या बोरिवलीतील राष्ट्रीय उद्यानात राहणाऱ्या आदिवासींची आमदार बच्चू कडू यांनी भेट घेतली. त्यानंतर बच्चू कडू यांनी वनविभागाच्या अधिकाऱ्यांकडे जाऊन आदिवासींच्या मूलभूत सुविधा आणि पुनर्वसन याबाबत चर्चा केली. या वेळी बोलताना बच्चू कडू यांनी बोंडे यांना मुख्यमंत्री एकनाथ शिंदे यांच्या बंडाची आठवण करून दिली.

एकनाथ शिंदे यांनी बंडखोरी केला नसती, तर हे सगळं घडलं असतं का?

दोन दिवसांपूर्वी शिवसेनेची एक जाहिरात वर्तमानपत्रात प्रसिद्ध झाली होती. देशात नरेंद्र मोदी तर राज्यात एकनाथ शिंदे, अशी ती जाहिरात होती. बेडूक कितीही फुगला तरी हत्ती होत नाही, (Mumbai News ) असं उदाहरण देत अनिल बोंडे यांनी मुख्यमंत्र्यांच्या जाहिरातीवर टीका केली आहे. त्यावरून राज्याच्या राजकारणात विविध प्रतिक्रिया उमटत आहेत. अनिल बोंडेला माहित नाही की आज आपल्याला जो आदर आहे तो कशामुळे आहे. एकनाथ शिंदे यांनी बंडखोरी केला नसती, तर हे सगळं घडलं असतं का? अनिल बोंडेंना समजावून सांगितलं पाहिजे की, या संपूर्ण प्रकरणात भोंडे यांच्या बोलण्यामुळे पक्ष आणि सरकार दोन्हीमध्ये अडचण निर्माण झाली आहे, असं बच्चू कडू म्हणाले.

उल्हासनगरमधील भाजपच्या पोस्टरवरही बच्चू कडू यांनी प्रतिक्रिया दिली आहे. कोणीही कोणाचेही बॅनर लावू शकतो. काहीही लिहू शकतो. त्या बॅनरला काही अर्थ आहे का? त्या बॅनरला गांभीर्याने घेण्याची गरज नाही, (Mumbai News ) असं ते म्हणाले. बच्चू कडू यांनी आदिवासी प्रश्नांवरही प्रतिक्रिया दिली आहे. आदिवासी पाड्यात पाण्याची लाईन नाही. मूलभूत सुविधा दिल्या जात नाहीत. राष्ट्रीय उद्यानाच्या नावाखाली ही सुविधा बंद केली आहे. आज मी अधिकाऱ्यांशी बोललो. सुधीर मुनगंटीवार यांच्याशीही बोललो. उच्च न्यायालयाच्या निर्णयात मुलभूत सुविधा देता येत नाहीत, हे चुकीचे आहे, असं बच्चू कडू म्हणाले.

अधिक बातम्या वाचण्यासाठी येथे क्लिक करा :

Mumbai News : संजय राऊत धमकी प्रकरणी मोठी अपडेट समोर; अटक केलेला आरोपी राऊतांचाच निकटवर्तीय!

Mumbai News : शिवसेनेच्या ‘त्या’ जाहिरातीला भाजपचं पोस्टरद्वारे प्रत्युत्तर; प्रदेश कार्यालयाबाहेर लागले पोस्टर!

Mumbai News : वादग्रस्त मंत्र्यांच्या कारभारावर पांघरूण… शिवसेनेच्या नव्या जाहिरातीवर अजित पवारांची टीका!