आटपाडी Gopichand Padalkar : आटपाडी कृषी उत्पन्न बाजार समितीच्या मतदान केंद्राबाहेर झालेल्या वादातून भाजपाचे विधानपरिषदेचे आमदार गोपीचंद पडळकर (Gopichand Padalkar) व काळेवाडी ग्रामपंचायत सदस्य मंगेश सस्ते यास मारहाण केल्याचा धक्कादायक प्रकार उघडकीस आला आहे. (Gopichand Padalkar)
आटपाडी कृषि उत्पन्न बाजार समिती निवडणुक
आटपाडी कृषि उत्पन्न बाजार समिती निवडणुकीसाठी चुरशीने मतदान सुरू आहे. सत्ताधारी भाजप आणि राष्ट्रवादी आघाडीच्या विरोधात बाळासाहेबांची शिवसेना, काँग्रेस, रासप यांच्यात कमालीचा संघर्ष होताना दिसत आहे.
आटपाडीच्या मतदान केंद्रावर सकाळपासून मतदारांच्या रांगा लागल्या होत्या. सकाळी ८ वाजता मतदानाला सुरुवात झाली. दुपारी १२ वाजेपर्यंत ७० टक्के मतदान झाले.
दरम्यान, सकाळी ११ वाजता दोन्ही बाजूच्या कार्यकर्त्यात बाचाबाची झाली. आमदार गोपीचंद पडळकर यांनी विरोधी गटातील काळेवाडी ग्रामपंचायत सदस्य मंगेश सस्ते यांच्या कानशिलात वाजवली. त्यामुळे काहीकाळ वातावरण तणावपूर्ण होते.
अधिक बातम्या वाचण्यासाठी येथे क्लिक करा :
