पुणे : दिल्लीच्या एम्स मध्ये दाखल लालू प्रसाद यांच्या प्रकृतीबाबत मोठी माहिती मीसा भारती यांनी दिली आहे. मिसाने सांगितले की, त्यांच्या वडिलांची तब्येत आता खूप सुधारत आहे. मूत्रपिंडाचा त्रास अजूनही कायम आहे, क्रिएटिनिन वाढलेले आहे. मात्र आता परिस्थिती पूर्वीपेक्षा स्थिर आहे.
त्यांनी सांगितले की, डॉक्टर सतत त्यांची देखरेख करत आहेत. लालू प्रसाद यादव यांना आता आयसीयूमधून खासगी वॉर्डात हलवण्यात आले आहे. आरजेडी चे ज्येष्ठ नेते लालूप्रसाद यादव हे 3 जुलै रोजी माजी मुख्यमंत्री आणि पत्नी राबडी देवी यांच्या शासकीय निवासस्थानी पायऱ्यांवरून पडले होते, जिथे त्यांच्या उजव्या खांद्याला फ्रॅक्चर आणि पाठीला दुखापत झाली होती.
याआधीही मिसा यांनी ८ जुलै रोजी लालूंच्या प्रकृतीची माहिती दिली होती. त्यांनी लिहिले की, तुमच्या प्रार्थना आणि एम्स दिल्लीच्या चांगल्या वैद्यकीय सेवेमुळे माझे वडील लालू प्रसाद यांच्या प्रकृतीत बरीच सुधारणा झाली आहे. आता लालूजी पलंगावरून उठून बसू शकले आहेत. आधाराने उभे राहू शकतात.
