अहमदनगर : माजी खासदार तुकाराम गडाख यांचे (वय ७२) हृदयविकाराच्या झटक्याने निधन झाले. शुक्रवारी रात्री खासगी रुग्णालयात उपचार सुरू असताना त्यांनी अखेरचा श्वास घेतला.
त्यांच्यावर आज (३ डिसेंबर) नेवासा तालुक्यातील पानसवाडीच्या अमरधाममध्ये दुपारी १२ वाजता अंत्यसंस्कार करण्यात येणार आहे.
नेवासा तालुक्यातील पानसवाडी येथी रहिवासी असणारे तुकाराम गडाख यांचा जन्म १ नोव्हेंबर रोजी १९५३साली झाला. सना १९८९ ते १९९४ या पंचवार्षिक निवडणुकीत त्यांनी शेवगाव – नेवासा या मतदारसंघाचे विधानसभेत नेतृत्व केले. त्यानंतर सन २००४ ते २००९ या कालावधीत राष्ट्रवादी पक्षाकडून त्यांनी दक्षिण लोकसभा मतदारसंघाचे प्रतिनिधित्व केले.
गडाख यांच्या निधनामुळे नेवासा तालुक्यावर शोककळा पसरली असून एक लढवय्या नेता म्हणून त्यांना राज्यात ओळखले जात जोते.
गडाख यांच्या पश्चात पत्नी, त्यांचे बंधू किसन गडाख (पेशवे), पाच बहिणी, एक मुलगा, दोन मुली, नातवंडे असा परिवार आहे.
