दीपक खिलारे
इंदापूर : इंदापूर काँग्रेस पक्षाच्या तालुकाध्यक्षपदी आबासाहेब निंबाळकर यांची तर उपाध्यक्षपदी श्रीनिवास शेळके यांची निवड करण्यात आली. गुरुवारी (दि.१५) येथे काँग्रेस पक्षाचे जिल्हाध्यक्ष आ. संजय जगताप यांच्या अध्यक्षतेखाली झालेल्या काँग्रेस पक्षाच्या बैठकीमध्ये तालुकाध्यक्ष व उपाध्यक्षाची निवड करण्यात आली.
काँग्रेस पक्षाचे तत्कालीन अध्यक्ष व सध्याचे भारतीय जनता पार्टीचे युवा नेते स्वप्निल सावंत यांनी राजीनामा दिल्यापासून पक्षातील अनेक इच्छुकांनी तालुकाध्यक्षपद मिळवण्यासाठी फिल्डींग लावली होती.
तसेच इच्छुकांनी आपली इच्छा पक्षश्रेष्ठींजवळ उडपणे व्यक्त केली होती. तालुकाध्यक्षपदाची माळ कुणाच्या गळ्यात पडणार याची चर्चा तालुकाभर होती. अखेर आज तालुकाध्यक्ष निवडीने चर्चेला पूर्णविराम मिळाला.
