यवत : दौंड तालुक्यातील कुसेगाव येथील चिमुकली शांभवी महेश शितोळे (वय 6 वर्षे) हिने बेळगांव येथे पार पडलेल्या शिवगंगा रोलर स्केटिंग क्लब बेळगाव आयोजित मोस्ट पीपल कम्प्लिट 100 मीटर ऑन स्केट हे करून ‘गिनीज वर्ल्ड रेकॉर्ड’ केला. (Daund News) यानिमित्ताने दौंडचे आमदार राहुल कुल यांच्या वतीने कु. शांभवी शितोळे हिचा सन्मान करण्यात आला. (Daund News)
या स्पर्धेसाठी संपूर्ण भारतातून 370 विद्यार्थ्यांनी सहभाग घेतला होता. शांभवीने अवघ्या 4 महिन्यांचे प्रशिक्षण कालावधीमध्ये आतापर्यंत जिल्हास्तरीय स्केटिंग चॅम्पियनशिपमध्ये एकूण 4 पदके मिळवली आहेत. कु. शांभवी शितोळे हिने मिळवलेल्या यशाबद्दल आमदार राहुल कुल यांनी तिचा, तिचे प्रशिक्षक व आई-वडील यांचा सन्मान करत कौतुक केले.
यावेळी भीमा पाटस सहकारी साखर कारखान्याचे माजी उपाध्यक्ष आनंद थोरात, प्रशिक्षक आदी मान्यवर उपस्थित होते.
