Big News | नवी दिल्ली : राज्यासह देशाचे लक्ष लागून राहिलेल्या महाराष्ट्राच्या सत्तासंघर्षाचा निकाल उद्या लागणार आहे, अशी माहिती सूत्रांकडून समोर आली आहे.
सर्वोच्च न्यायालयात उद्या महाराष्ट्राच्या सत्तासंघर्षावर निर्णय येण्याची शक्यता आहे. सर्वोच्च न्यायलयात उद्या दोन महत्वाच्या प्रकरणांचा निकाल लागणार आहे. यामध्ये महाराष्ट्रातील राजकीय पेचाबाबतच्याही केसचा समावेश आहे. सरन्यायाधीश चंद्रचुड यांनी आज न्यायलयाच्या कामकाजावेळी हे संकेत दिले.
‘या’ नेत्यांच्या आमदारकीवर टांगती तलवार…
एकनाथ शिंदे,अब्दुल सत्तार,संदिपान भुमरे,संजय शिरसाट,तानाजी सावंत,यामिनी जाधव,चिमणराव पाटील,भरत गोगावले,लता सोनावणे,प्रकाश सुर्वे,बालाजी किणीकर,अनिल बाबर,महेश शिंदे,संजय रायमुलकर,रमेश बोरणारे,बालाजी कल्याणकर..
कायदेतज्ज्ञ उज्वल निकम म्हणाले, “दोन दिवसात हा निकाल येऊ शकतो, असं उज्वल निकम म्हणाले आहेत. या दोन दिवसात निकाल न आल्यास निवृत्त न्यायाधिशांच्या जागी नवे न्यायाधिश असतील. राज्यातील सत्तासंघर्षाबाबत सर्वोच्च न्यायालयात एकाच वेळी 8 ते 9 याचिकांवर सुनावणी होतेय. त्याचा निकाल लवकरच लागेल, असं निकम म्हणाले आहेत.
तर कायदेतज्ज्ञ अॅड. असीम सरोदे यांनीही राज्यातील सत्तासंघर्षाचा निकाल लवकरच लागण्याची शक्यता व्यक्त केली आहे. 11 किंवा 12 मेला शिवसेनेतील पेच सुटण्याची शक्यता असीम सरोदे यांनी व्यक्त केलीय. सत्तासंघर्षाचा प्रश्न न्यायालय विधानसभेच्या अध्यक्षांकडे देण्याची जास्त शक्यता आहे. राज्यातील सत्ता संघर्षाचे प्रकरण सात न्यायमूर्तींच्या घटनापीठाकडे जाण्याची शक्यता आहे, असे कायदेदज्ज्ञ असीम सरोदे यांनी सांगितले.
बातमी अपडेट होत आहे….
