US vs Iran War: अमेरिका आणि इराण यांच्यातील युद्ध आता अत्यंत भीषण वळणावर पोहोचले आहे. इस्रायल आणि अमेरिकेने मिळून इराणवर जोरदार हल्ले सुरू केले असून यामध्ये अनेक क्षेपणास्त्रांचा मारा करण्यात येत आहे. इराणमधील महत्त्वाची शहरे सध्या निशाण्यावर असून तिथली परिस्थिती अतिशय गंभीर झाली आहे. (Iran Israel Conflict)
या संघर्षात इराणचे सर्वोच्च नेते आयातुल्ला अली खामेनेई यांचा मृत्यू झाल्याची धक्कादायक माहिती समोर आली आहे. या हल्ल्यात त्यांच्या कुटुंबातील सदस्यांनाही आपला जीव गमवावा लागला असून अनेक सरकारी इमारती जमीनदोस्त झाल्या आहेत. खामेनेई यांच्या निधनानंतर लगेचच अली रजा अराफी यांची नवे सर्वोच्च नेते म्हणून निवड करण्यात आली.
मात्र, या निवडीनंतर अमेरिकेने एक खळबळजनक दावा केला आहे. अमेरिकेचे अध्यक्ष डोनाल्ड ट्रम्प आणि राष्ट्रीय सुरक्षा सल्लागार यांनी नवे सर्वोच्च नेते अली रजा अराफी यांनाही एका हल्ल्यात ठार केल्याचे म्हटले आहे. या दाव्यामुळे संपूर्ण जगात मोठी खळबळ उडाली आहे.
इराणने अद्याप या दाव्यावर कोणतेही अधिकृत उत्तर दिलेले नाही, परंतु त्यांनी आपल्या लष्करी ताकदीचा एक व्हिडीओ प्रसिद्ध केला आहे. इराणमधील नागरिक सध्या सरकारच्या समर्थनासाठी मोठ्या संख्येने रस्त्यावर उतरल्याचे पाहायला मिळत आहे. दुसरीकडे, इराणने इस्रायलच्या न्यूक्लिअर प्लांटवर मोठा धमाका केल्याचे वृत्त असून यात इस्रायलचे 100 सैनिक मारले गेल्याचा दावा इराणने केला आहे.
या युद्धाचे पडसाद आता संपूर्ण आखाती देशांमध्ये उमटू लागले आहेत. फ्रान्सची युद्धनौका सुद्धा आता इराणच्या दिशेने रवाना झाली असून परिस्थिती अधिकच चिघळण्याची शक्यता आहे. इराणने अमेरिकेचे एक लढाऊ विमान पाडल्याचा दावा करत त्याचा व्हिडीओ व्हायरल केला आहे. या युद्धाचा थेट फटका दुबईसारख्या शहरांनाही बसताना दिसत आहे.
