नवी दिल्ली: राज्याचे उपमुख्यमंत्री अजित पवार यांच्या वेश बदलून दिल्लीला जात असल्याच्या विषयावर बोलताना खासदार सुप्रिया सुळे यांनी जोरदार टीका केली आहे. तसेच दिल्ली आणि मुंबई विमानतळाची याप्रकरणी चौकशी झाली पाहिजे. उपमुख्यमंत्री अजित पवार हे नाव आणि वेश बदलून विमानतळावरून कसे गेले? याबाबत त्यांना परवानगी कशी मिळाली? त्यामुळेच दिल्ली आणि मुंबई विमानतळाची आणि संबधित एअरलाईन्सची देखील चौकशी झाली पाहिजे, तसेच या प्रश्नाचे उत्तर केंद्र सरकारने दिले पाहिजे, अशी मागणी खासदार सुप्रिया सुळे यांनी केली.
“अजित पवारांवर गुन्हा दाखल करा”, संजय राऊतांची मागणी
उपमुख्यमंत्री अजित पवार यांच्या वेश बदलून दिल्लीला गेल्याच्या प्रश्नावर बोलताना खासदार संजय राऊत यांनी पवार यांना चांगलेच लक्ष केले. नाव आणि वेश बदलून अजित पवार यांनी दिल्ली विमान प्रवास केल्याप्रकरणी त्यांच्यावर गुन्हा दाखल करा, अशी मागणी त्यांनी यावेळी केली.
