Pakistan Fisherman : पुणे : कधी कोणाच आयुष्य चमकेल हे सांगता येत नाही. एका रात्रीत कुणीतरी श्रीमंत झालं असेल असे चित्र नेहमी चित्रपटात दिसते. पण असं कधी कधी सत्यातही घडत. रातोरात एका मच्छीमाराचं आयुष्य बदलून गेलं आहे. एका रातीत हा मच्छिमार करोडपती बनला आहे. ही कहानी पाकिस्तानच्या मच्छिमाराची आहे. त्याला सोवा मिळाला आणि तो रातोरात करोडपती झाला आहे. हाजी बलोच असे त्याचे नाव आहे. तो कराचीतील इब्राहिम हैदरी या अत्यंत सामान्य गावातील रहिवासी आहे.
पीटीआय या वृत्तसंस्थेच्या वृत्तानुसार, हाजी बलुच आणि त्यांच्या टीमने धोक्यात असलेला सोवा मासा पकडला. अनेक प्रकारची औषधे बनवण्यासाठी याचा वापर केला जातो. म्हणून हा मौल्यवान आहे. हाजी बलोच आणि त्यांच्या टीमला सापडलेल्या सोवा माशाचा लिलाव शुक्रवारी पहाटे कराची हार्बर येथे झाला. त्याला लिलावात 70 दशलक्ष पाकिस्तानी रुपये इतकी मोठी रक्कम मिळाली. भारतीय चलनात ही रक्कम 2.05 कोटी रुपये इतकी आहे.
सोवा माशाला एवढा मौलवान का?
औषधे बनवण्यासाठी सोवा माशाचा वापर होतो. ही प्रजाती दुर्मिळ असल्यामुळं या माशाला एवढी जास्त किंमत मिळत आहे. हा मासा आकाराने दीड मीटरपर्यंत वाढतो आणि त्याचे वजन 20 ते 40 किलोपर्यंत असते. एका सोवा माशाची किंमत 7 दशलक्ष पाकिस्तानी रुपये आहे.
